دەكلاراتسيا تاپسىرماعان كاسىپكەرلەردىڭ شوتى بۇعاتتالادى

فوتو: اشىق دەرەككوز

مال-مۇلكىن كورسەتىپ, سالىقشىلارعا ەسەبىن بەرمەگەندەر ەندى ەركىن ساۋدا جاساي المايدى. مەملەكەتتىك كىرىستەر كوميتەتى دەكلاراتسيا تاپسىرماعان 68 مىڭنان استام ادامنىڭ ەسەپشوتىن بۇعاتتادى, دەپ جازدى qandastar.kz

1 قاڭتار مەن 16 قىركۇيەك ارالىعىندا دەكلاراتسيا تاپسىرۋعا 4 ميلليون 800 مىڭ قازاقستاندىق مىندەتتەلگەن. الايدا ولار ءتيىستى مەرزىمدى ەسكەرمەگەن. كىرىسى تۋرالى ەسەپ بەرەتىندەردىڭ قاتارىندا كاسىپكەرلەر دە بار. بىراق دەكلاراتسيا تاپسىرعان سوڭ شوتتى قايتادان اشۋعا بولادى.

سالىقشىلار دەكلاراتسيا تاپسىرۋ ءتارتىبىن تۇزەگەن 17 جارىم مىڭ ادامنىڭ شوتىن قايتا اشىپتى. ياعني دەكلاراتسيا تاپسىرۋعا ۇلگەرمەگەن ازاماتتارعا 30 جۇمىس كۇنىنىڭ ىشىندە ولقىلىقتىڭ ورنىن تولتىرۋعا مۇمكىندىك بەرىلگەن. ال وعان دا ءمان بەرمەسە, شوتى تولىق جابىلادى.