«Dekretke mıllıonmen» kýrsyn shyǵarǵandar jazalanýy múmkin

Foto: halyqonline

Olar buǵan deıin júktilik pen bosaný tólemderiniń somasyn úlkeıtýdiń ádisin úıretetin konsýltaııalyq qyzmetterdiń ústinen shaǵym túsirgen edi, dep habarlaıdy qandastar.kz

Eńbek jáne halyqty áleýmettik qorǵaý mınıstri Svetlana Jaqypova BAQ ókilderine júktilik pen bosaný tólemderin shamadan tys rásimdegen 113 adamǵa 16 qylmystyq is qozǵalǵanyn málimdegen bolatyn. Jýrnalıster «osy qylmystyq isterdiń arasynda «Dekretke mıllıonmen» kýrsynyń avtorlary bar ma?» dep suraǵan.

– Búginde biz áleýmettik jelilerde úshinshi tulǵalardyń tarapynan ártúrli konsýltaııalyq qyzmettiń, onyń ishinde kásipkerlik sýbektileri men dekrettik demalysqa shyǵýdy josparlap otyrǵan áıelder arasynda «formaldy» eńbek sharttaryn jasasý arqyly áleýmettik tólemderdi joǵary mólsherde alý tásilderiniń aıtarlyqtaı óskenin baıqap otyrmyz, – delingen jaýapta.

Qazirgi ýaqytta quzyrly organdar óz jumysyn atqaryp jatqan kórinedi.

– Atalǵan másele boıynsha mınıstrlik pen Memlekettik áleýmettik saqtandyrý qory óziniń quzyreti boıynsha tıisti is-sharalar júrgizý úshin quqyq qorǵaý organdaryna birqatar ótinishke bastamashylyq jasady. Qozǵalǵan qylmystyq ister sheńberinde jedel tergep-tekserý jumystary júrgizilip jatyr. Qazaqstan Respýblıkasy Qylmystyq-proestik kodeksiniń 201-babyna sáıkes sotqa deıingi tergep-tekserý derekterin jarııa etýge jol berilmeıdi, – dep jazylǵan jaýapta.