دەكرەتتىك تولەمدەردى ەسەپتەۋ جۇيەسى وزگەرمەك

فوتو:اشىق دەرەككوز

دەكرەتتىك تولەمدەردى ەسەپتەۋ جۇيەسى وزگەرەدى. ەندى بەلگىلەنگەن مولشەردەن ارتىق تولەم بەرىلمەيدى, دەپ جازادى qandastar.kz

قازاقستاندا دەكرەتتىك تولەمدەرگە قاتىستى سالىق كودەكسىنە وزگەرىستەر ەنگىزىلمەك. مەملەكەتتىك الەۋمەتتىك ساقتاندىرۋ قورىنىڭ وكىلى گۇلباعيلا بولاتبەكوۆانىڭ ايتۋىنشا, ەندى دەكرەتتىك تولەمدەردى ەسەپتەۋ جۇيەسى وزگەرىپ, جوعارى تابىس تاباتىن ايەلدەر بۇرىنعىداي كوپ تولەم الا المايدى.

بۇرىنعى جۇيە قالاي جۇمىس ىستەدى?

ەڭبەك ەتەتىن ايەلدەر جەكە كاسىپكەر رەتىندە تىركەلىپ, 12 اي بويى جوعارى كىرىس كورسەتىپ, كوپ سالىق تولەگەندەي كورىنۋ ارقىلى دەكرەتتىك تولەمدەردى كوبەيتەتىن. وسىلايشا, اي سايىن ميلليونداپ تابىس كورسەتكەن كەيبىر ايەلدەر دەكرەتكە شىققاندا 2,5 ميلليون تەڭگەگە دەيىن جاردەماقى الاتىن.

ەندى نە وزگەرەدى?

— دەكرەتتىك تولەمنىڭ ەڭ جوعارى مولشەرى بەلگىلەنەدى – 238 مىڭ تەڭگە

— قانشا جەردەن كوپ تابىس تاپسا دا, دەكرەتتىك تولەم وسى شەكتەن اسپايدى

— بىرنەشە جەردە جۇمىس ىستەيتىندەر ءۇشىن دە تولەمدەر بىرىكتىرىلمەيدى

— جۇكتىلىككە قاتىستى تولەمدەرگە دە شەكتەۋلەر قويىلادى.