Dekrettik tólemderdi esepteý júıesi ózgermek

Foto:ashyq derekkóz

Dekrettik tólemderdi esepteý júıesi ózgeredi. Endi belgilengen mólsherden artyq tólem berilmeıdi, dep jazady qandastar.kz

Qazaqstanda dekrettik tólemderge qatysty Salyq kodeksine ózgerister engizilmek. Memlekettik áleýmettik saqtandyrý qorynyń ókili Gúlbaǵıla Bolatbekovanyń aıtýynsha, endi dekrettik tólemderdi esepteý júıesi ózgerip, joǵary tabys tabatyn áıelder burynǵydaı kóp tólem ala almaıdy.

Burynǵy júıe qalaı jumys istedi?

Eńbek etetin áıelder jeke kásipker retinde tirkelip, 12 aı boıy joǵary kiris kórsetip, kóp salyq tólegendeı kóriný arqyly dekrettik tólemderdi kóbeıtetin. Osylaısha, aı saıyn mıllıondap tabys kórsetken keıbir áıelder dekretke shyqqanda 2,5 mıllıon teńgege deıin járdemaqy alatyn.

Endi ne ózgeredi?

— Dekrettik tólemniń eń joǵary mólsheri belgilenedi – 238 myń teńge

— Qansha jerden kóp tabys tapsa da, dekrettik tólem osy shekten aspaıdy

— Birneshe jerde jumys isteıtinder úshin de tólemder biriktirilmeıdi

— Júktilikke qatysty tólemderge de shekteýler qoıylady.