جاڭالىقتار

دەموگرافيالىق وزگەرىس: حالىق سانى ءوستى

12.11.2024

0 71

فوتو: اشىق دەرەككوز

ۇلتتىق ستاتيستيكا بيۋروسى بۇگىن قازاقستانداعى 2024 جىلعى قاڭتار-قىركۇيەك ارالىعىنداعى دەموگرافيالىق وزگەرىستى حابارلادى, دەپ جازادى qandastar.kz

ۇلتتىق ستاتيستيكا بيۋروسىنىڭ مالىمەتى بويىنشا, 2024 جىلعى 1 قازانداعى جاعداي بويىنشا حالىق سانى 20 223 218 ادامدى قۇرادى, ونىڭ ىشىندە:

قالا تۇرعىندارى – 12 704 977,
اۋىل تۇرعىندارى – 7 518 241 ادام.

توعىز ايدا حالىقتىڭ جالپى ءوسىمى 189 376 ادامدى قۇرادى.

2024 جىلدىڭ 9 ايىندا قازاقستاندا 278,7 مىڭ بالا دۇنيەگە كەلدى, قايتىس بولعاندار سانى – 99,5 مىڭ ادام.

وسىلايشا, حالىقتىڭ تابيعي ءوسىمى 179,2 مىڭ ادامدى قۇرادى, – دەپ جازدى ۇلتتىق ستاتيستيكا بيۋروسى.

تۋدىڭ ەڭ جوعارى دەڭگەيى تۇركىستان وبلىسىندا (1000 تۇرعىنعا 25,04 ادام), ماڭعىستاۋ وبلىسىندا (24,84) جانە شىمكەنت قالاسىندا (23,68) بايقالدى.

ءولىم-ءجىتىمنىڭ ەڭ جوعارى دەڭگەيى سولتۇستىك قازاقستان وبلىسىندا (1000 تۇرعىنعا 11,52), شىعىس قازاقستان وبلىسىندا (11,32) جانە قوستاناي وبلىسىندا (10,12) بايقالدى, بۇل وسى وبلىستار حالقىنىڭ جاس قۇرىلىمىنا بايلانىستى.موگرافيا, حالىق سانى

سونىمەن قاتار, العاشقى جارتى جىلدىڭ ىشىندە 95 مىڭ نەكە قيىلىپ, 29,3 مىڭ اجىراسۋ تىركەلدى.

2024 جىلعى قانتار-قىركۇيەكتە ەلگە كەلگەندەر سانى 20 383 ادامدى, ەلدەن كەتكەندەر سانى 10 201 ادامدى قۇرادى. كوشى-قون ايىرىمى – 10 182 ادام, – دەپ جازىلعان ۇلتتىق ستاتيستيكا بيۋروسىنىڭ مالىمەتىندە.

2023 جىلعى ءتيىستى كەزەڭمەن سالىستىرعاندا قازاقستانعا كەلگەندەر سانى 6,5%-عا ءوستى, قازاقستاننان كەتكەندەر سانى 19,9%-عا ازايدى.

ەلدىڭ نەگىزگى كوشى-قون الماسۋى تمد مەملەكەتتەرىمەن جۇرەدى. تمد ەلدەرىنەن كەلگەندەردىڭ ۇلەسى 79,7%, ال بۇل ەلدەرگە كەتكەندەردىڭ ۇلەسى 76,9% قۇرادى, – دەپ جازىلعان ۇلتتىق ستاتيستيكا بيۋروسىنىڭ حابارلاماسىندا.

ەل ىشىندەگى كوشى-قون 2023 جىلدىڭ ءتيىستى كەزەڭىمەن سالىستىرعاندا 47,4% ءوستى. وڭىرارالىق كوشى-قون بويىنشا ەلىمىزدىڭ 4 وڭىرىندە حالىق كوشى-قونىنىڭ وڭ ايىرىمى قالىپتاستى: