Jańalyqtar

Demografııalyq ózgeris: Halyq sany ósti

12.11.2024

0 72

Foto: ashyq derekkóz

Ulttyq statıstıka bıýrosy búgin Qazaqstandaǵy 2024 jylǵy qańtar-qyrkúıek aralyǵyndaǵy demografııalyq ózgeristi habarlady, dep jazady qandastar.kz

Ulttyq statıstıka bıýrosynyń málimeti boıynsha, 2024 jylǵy 1 qazandaǵy jaǵdaı boıynsha halyq sany 20 223 218 adamdy qurady, onyń ishinde:

qala turǵyndary – 12 704 977,
aýyl turǵyndary – 7 518 241 adam.

Toǵyz aıda halyqtyń jalpy ósimi 189 376 adamdy qurady.

2024 jyldyń 9 aıynda Qazaqstanda 278,7 myń bala dúnıege keldi, qaıtys bolǵandar sany – 99,5 myń adam.

Osylaısha, halyqtyń tabıǵı ósimi 179,2 myń adamdy qurady, – dep jazdy Ulttyq statıstıka bıýrosy.

Týýdyń eń joǵary deńgeıi Túrkistan oblysynda (1000 turǵynǵa 25,04 adam), Mańǵystaý oblysynda (24,84) jáne Shymkent qalasynda (23,68) baıqaldy.

О́lim-jitimniń eń joǵary deńgeıi Soltústik Qazaqstan oblysynda (1000 turǵynǵa 11,52), Shyǵys Qazaqstan oblysynda (11,32) jáne Qostanaı oblysynda (10,12) baıqaldy, bul osy oblystar halqynyń jas qurylymyna baılanysty.mografııa, halyq sany

Sonymen qatar, alǵashqy jarty jyldyń ishinde 95 myń neke qıylyp, 29,3 myń ajyrasý tirkeldi.

2024 jylǵy qantar-qyrkúıekte elge kelgender sany 20 383 adamdy, elden ketkender sany 10 201 adamdy qurady. Kóshi-qon aıyrymy – 10 182 adam, – dep jazylǵan Ulttyq statıstıka bıýrosynyń málimetinde.

2023 jylǵy tıisti kezeńmen salystyrǵanda Qazaqstanǵa kelgender sany 6,5%-ǵa ósti, Qazaqstannan ketkender sany 19,9%-ǵa azaıdy.

Eldiń negizgi kóshi-qon almasýy TMD memleketterimen júredi. TMD elderinen kelgenderdiń úlesi 79,7%, al bul elderge ketkenderdiń úlesi 76,9% qurady, – dep jazylǵan Ulttyq statıstıka bıýrosynyń habarlamasynda.

El ishindegi kóshi-qon 2023 jyldyń tıisti kezeńimen salystyrǵanda 47,4% ósti. О́ńiraralyq kóshi-qon boıynsha elimizdiń 4 óńirinde halyq kóshi-qonynyń oń aıyrymy qalyptasty: