Dene pishini buzylǵan, tolyq isingen, qaraıǵan: Aqtaýda aralas jekpe-jek sheberiniń máıiti tabyldy

Foto: lada.kz

Ǵalamtorda Aqtaýdaǵy 3-shi shaǵyn aýdannan tabylǵan er adamnyń denesi týraly aqparat tarap ketti, dep habarlady Qandastar.kz. Lada.kz silteme jasap. Tabylǵan er adam buryn túrli týrnırlerge qatysqan jekpe-jek sheberi ekeni anyqtaldy.

WhatsApp messendjerinde 3-shi shaǵyn aýdanyndaǵy qoqys konteınerleriniń janynan denesi tabylǵan aralas jekpe-jek sportshysy Výsal Jafarovtyń sýretteri tarady. Onyń dene pishini buzylyp, tolyq isingen, qaraıyp ketkeni kórinedi.

Polıııa departamenti aqparatty rastady. Máıit bir kún buryn, ıaǵnı 20 qyrkúıekte tabylǵan.

– Tabylǵan máıit boıynsha sotqa deıingi tergeý bastaldy. Saraptama taǵaıyndaldy. Tergeý jalǵasyp jatyr. Basqa málimetter tergeý múddesi úshin jarııalanbaıdy, – delingen vedomstvo málimdemesinde.

Qoldanýshylar Výsal Jafarovty uryp-soǵylǵanyn, sonymen qatar denesi kóshede birneshe kún boıy jatyp qalǵanyn jazýda.

Ashyq aqparat kózderine súıensek, Výsal Jafarov 1994 jyly 10 qańtarda dúnıege kelgen. Kásibı mansabyn 2015 jyly bastady. Ol tórt jekpe-jek ótkizip, bireýinde jeńiske jetip, úsheýinde jeńilgen.