«دەنەگە جارا شىعادى». ەكس-مينيستر ەلجان ءبىرتانوۆ جاڭا ۆيرۋسقا قاتىستى سىبىسقا پىكىر ءبىلدىردى

كوللاج: depositphoto.com, Tengrinews.kz/

دەنساۋلىق ساقتاۋ ەكس-ءمينيسترى ەلجان ءبىرتانوۆ Qazaq Airan-عا بەرگەن سۇحباتىندا جاقىندا ەلدە جاڭا ۆيرۋس تارايتىنىنا قاتىستى پىكىر ءبىلدىردى, – دەپ حابارلايدى Massaget.kz ءتىلشىسى.

سۇحبات بارىسىندا جۇرگىزۋشى ەكس-مينيسترگە كەيىنگى كەزدەرى قوعامدا قاراشادا ۆيرۋستىڭ جاڭا ءتۇرى ورشيتىنىنە قاتىستى تاراعان اقپاراتتىڭ قانشالىق شىندىققا جاناساتىنىن سۇرادى. سىبىستا فارمكومپانيالار ءبىر جاقپامايدى جاپپاي ساتىپ الىپ جاتقانى, كوروناۆيرۋس كەزىندە ءبىرىنشى كەزەكتە وكپەگە زيان تيسە, بۇل جولى دەنەگە جارا شىعاتىنى ايتىلادى.

ەكس-مينيستر بۇل تۋرالى ءبىرىنشى رەت ەستىپ تۇرعانىن اتاپ ءوتتى.

«شىنىمدى ايتايىن, بۇل تۋرالى ءبىرىنشى رەت ەستىپ تۇرمىن. ءسىز حالىقتىڭ, مامانداردىڭ اراسىندا تاراعان اقپارات دەيسىز, بىراق مۇنداي سىبىس بولسا, مەن بىلەتىن ەدىم. ماعان بۇل تۋرالى ەشكىم ايتقان جوق. جالپى بۇعان سەنۋ قيىن. ويتكەنى ول جاقپامايدىڭ ۆيرۋسقا قارسى اسەرى جوق. ادامنىڭ دەنەسىنە, تەرىسىنە جارا شىقسا, ءيا, كومەكتەسەدى. ال ەپيدەمياعا قارسى مۇمكىندىگىن ويلاساق, ەكىتالاي. مۇنداي ەسكەرتۋ دە جوق. مەن, ارينە, ەپيدەميولوگيا سالاسىنىڭ مامانى ەمەسپىن, بىراق مۇنداي حابار ءالى ەستىمەدىم, – دەپ جاۋاپ بەردى ول.

ايتا كەتەيىك, دەنساۋلىق ساقتاۋ مينيسترلىگى دۇنيەجۇزىلىك دەنساۋلىق ساقتاۋ ۇيىمىنىڭ جاڭا قاۋىپتى ينفەكتسيا – ماربۋرگ ۆيرۋسىنىڭ ءورشۋى تۋرالى ەسكەرتۋىنە بايلانىستى ەپيدەميولوگيالىق جاعدايدى باقىلاۋدى كۇشەيتىپ جاتقانى حابارلانعان بولاتىن.

ماربۋرگ ۆيرۋسى جۋىلماعان بانان ارقىلى جۇعۋى مۇمكىن