«Denege jara shyǵady». Eks-mınıstr Eljan Birtanov jańa vırýsqa qatysty sybysqa pikir bildirdi

Kollaj: depositphoto.com, Tengrinews.kz/

Densaýlyq saqtaý eks-mınıstri Eljan Birtanov Qazaq Airan-ǵa bergen suhbatynda jaqynda elde jańa vırýs taraıtynyna qatysty pikir bildirdi, – dep habarlaıdy Massaget.kz tilshisi.

Suhbat barysynda júrgizýshi eks-mınıstrge keıingi kezderi qoǵamda qarashada vırýstyń jańa túri órshıtinine qatysty taraǵan aqparattyń qanshalyq shyndyqqa janasatynyn surady. Sybysta farmkompanııalar bir jaqpamaıdy jappaı satyp alyp jatqany, koronavırýs kezinde birinshi kezekte ókpege zııan tıse, bul joly denege jara shyǵatyny aıtylady.

Eks-mınıstr bul týraly birinshi ret estip turǵanyn atap ótti.

«Shynymdy aıtaıyn, bul týraly birinshi ret estip turmyn. Siz halyqtyń, mamandardyń arasynda taraǵan aqparat deısiz, biraq mundaı sybys bolsa, men biletin edim. Maǵan bul týraly eshkim aıtqan joq. Jalpy buǵan sený qıyn. О́ıtkeni ol jaqpamaıdyń vırýsqa qarsy áseri joq. Adamnyń denesine, terisine jara shyqsa, ıá, kómektesedi. Al epıdemııaǵa qarsy múmkindigin oılasaq, ekitalaı. Mundaı eskertý de joq. Men, árıne, epıdemıologııa salasynyń mamany emespin, biraq mundaı habar áli estimedim, – dep jaýap berdi ol.

Aıta keteıik, Densaýlyq saqtaý mınıstrligi Dúnıejúzilik densaýlyq saqtaý uıymynyń jańa qaýipti ınfekııa – Marbýrg vırýsynyń órshýi týraly eskertýine baılanysty epıdemıologııalyq jaǵdaıdy baqylaýdy kúsheıtip jatqany habarlanǵan bolatyn.

Marbýrg vırýsy jýylmaǵan banan arqyly juǵýy múmkin