ءبىلىم
دەنەشىنىقتىرۋ مۇعالىمى قارىنداسىن 6 جاسىنان زورلاعان: قىز ۇندەۋ جاريالادى
فوتو: اشىق دەرەككوز
اۋىلداعى مەكتەپتە دەنەشىنىقتىرۋ ءپانىنىڭ مۇعالىمى بولعان ەر ادام تۋىسقان قارىنداسىن 6 جاسىنان باستاپ 16 جاسقا دەيىن زورلاپ كەلگەن, – دەپ حابارلايدى qandastar.kz Aikyn.kz.-كە سىلتەمە جاساپ.
بۇل تۋرالى زاڭگەر ءلاززات راقىشەۆا ءوزىنىڭ Instagram-داعى پاراقشاسىندا جازدى. ول باس پروكۋراتۋراعا بۇكىل ءىستى 2017 جىلدان باستاپ تەكسەرۋدى ۇسىندى.
«مەن 10 جىلدان اسا تۇرمىستىق زورلىق-زومبىلىق كورىپ كەلدىم. تۋىسقان اعام ە.جۇماحانوۆ ماعان 6 جاسىمدا ءوزىنىڭ جىنىستىق مۇشەسىن, مەنىڭ قالاۋىمسىز ءتۇرلى پورنوگرافيالىق ۆيدەولار كورسەتەتىن. 16 جاسىما دەيىن ءوزىنىڭ ويىن ىسكە اسىرىپ كەلدى. مەن قۇزىرلى ورگاندارعا, جوعارى ورگاندارعا ارىز جازدىم. ءبىزدىڭ قازاقستاندا زورلىق-زومبىلىققا قارسى زاڭ بولسا دا ءالى كۇنگە دەيىن كۇشىنە ەنبەگەن بە? ءبىر جىلدىڭ ىشىندە دالەل شىعىپ تۇرسا دا تەرگەۋدى جاۋىپ تاستاپ وتىر. ەركەبەك مەكتەپتە مەن تۇرعان اۋىلدا دەنەشىنىقتىرۋ ءپانىنىڭ مۇعالىمى بولىپ جۇمىس ىستەگەن», – دەيدى قىز.
زاڭگەر باس پروكۋراتۋراعا زورلانعان قىزداردىڭ ىستەرىن 2017 جىلدان باستاپ تەكسەرۋدى ۇسىنادى.
اباي وبلىسى بويىنشا بالا قۇقىعى جونىندەگى ۋاكىل ەلزيرا ءجۇنىسوۆا اياگوزدە زارداپ شەككەن ەركەناز ەسىمدى وسى قىزعا پسيحولوگتەر كومەكتەسىپ جاتقانىن ايتقان.
«اقپارات العاننان كەيىن بىردەن ەركەنازبەن كەزدەسىپ, سودان بەرى بايلانىستامىز. ونىڭ تۋعان اناسىمەن تەلەفون ارقىلى سويلەستىم. ەركەنازعا قازىر پسيحولوگتەر كومەكتەسىپ جاتىر. كوللەدج اكىمشىلىگى جاتاقحانادان بولمە بەردى. بالا قۇقىقتارى جونىندەگى ۋاكىل دينارا زاكيەۆامەن بايلانىستامىز, ول باس پروكۋراتۋراعا ءتيىستى ءوتىنىش جولدادى», – دەپ حابارلاعان ءجۇنىسوۆا.
