Deneshynyqtyrý muǵalimi qaryndasyn 6 jasynan zorlaǵan: Qyz úndeý jarııalady

Foto: ashyq derekkóz

Aýyldaǵy mektepte deneshynyqtyrý pániniń muǵalimi bolǵan er adam týysqan qaryndasyn 6 jasynan bastap 16 jasqa deıin zorlap kelgen, – dep habarlaıdy  qandastar.kz Aikyn.kz.-ke silteme jasap. 

Bul týraly zańger Lázzat Raqysheva óziniń Instagram-daǵy paraqshasynda jazdy. Ol Bas prokýratýraǵa búkil isti 2017 jyldan bastap tekserýdi usyndy.

«Men 10 jyldan asa turmystyq zorlyq-zombylyq kórip keldim. Týysqan aǵam E.Jumahanov  maǵan 6 jasymda óziniń jynystyq múshesin, meniń qalaýymsyz túrli pornografııalyq vıdeolar kórsetetin. 16 jasyma deıin óziniń oıyn iske asyryp keldi. Men quzyrly organdarǵa, joǵary organdarǵa aryz jazdym. Bizdiń Qazaqstanda zorlyq-zombylyqqa qarsy zań bolsa da áli kúnge deıin kúshine enbegen be? Bir jyldyń ishinde dálel shyǵyp tursa da tergeýdi jaýyp tastap otyr. Erkebek mektepte men turǵan aýylda deneshynyqtyrý pániniń muǵalimi bolyp jumys istegen», – deıdi qyz.

Zańger Bas prokýratýraǵa zorlanǵan qyzdardyń isterin 2017 jyldan bastap tekserýdi usynady.

Abaı oblysy boıynsha Bala quqyǵy jónindegi ýákil Elzıra Júnisova Aıagózde zardap shekken Erkenaz esimdi osy qyzǵa psıhologter kómektesip jatqanyn aıtqan.

«Aqparat alǵannan keıin birden Erkenazben kezdesip, sodan beri baılanystamyz. Onyń týǵan anasymen telefon arqyly sóılestim. Erkenazǵa qazir psıhologter kómektesip jatyr. Kolledj ákimshiligi jataqhanadan bólme berdi. Bala quqyqtary jónindegi ýákil Dınara Zákıevamen baılanystamyz, ol Bas prokýratýraǵa tıisti ótinish joldady», – dep habarlaǵan Júnisova.