«Denesin baltalap tastaǵan»: Almatyda shetel azamatynyń ólimine qatysty tergeý bastaldy

Foto: Azattyq Rýhy/Áset Qundaqbaev

Almatyda 50-ge taıaǵan shetel azamatynyń ólimine qatysty tergeý bastaldy. Kúdikti retinde birge turatyn kóńildesi qamaýǵa alynǵan. Alaıda marqumnyń qyzy ákesiniń aýyryp baqılyq bolǵanyn aıtady. Al denesin bólshektep órtelgenin, otaǵasy kózi tirisinde ózi surapty-mys. Iaǵnı marqum ustanǵan dinniń joralǵysy sondaı deıdi týystary. Bul týraly Azattyq Rýhy KTK arnasyna silteme jasap habarlaıdy.

Jantúrshigerlik oqıǵa qalanyń tórtinshi shaǵyn aýdanynda boldy. Kópqabatty úıdegi páterlerdiń birinen er adamnyń bólshektelgen denesi tabylǵan. Máıit tabylǵan páterge alǵash bolyp polıeılermen birge kýá retinde Nurlan Japarqulov ta kiripti. Baltalanǵan 50 jastaǵy marqumnyń denesi áli kóz aldynda.

 «Baltamen shaýyp tastaǵan. Vannaǵa bólshektep-bólshektep kirgizip, jatqyzyp qoıǵan. Bólshektep tastaǵannan keıin ústinen ot jaqqan. Qaraıyp ketken ǵoı, tyrnaqtary. Bir-eki saýsaǵy kúıip ketken, qap qara bolyp. Ár jerinen jaqqan. Qolynyń ústine qaǵaz jaqqan ba, áıteýir órtegen», – dedi aýla sypyrýshy Nurlan Japarqulov.

О́zin marqumnyń qyzymyn dep tanystyrǵan kelinshek ákesiniń dertten qaıtys bolǵanyn aıtady. Biraq nemen aýyrǵanyn aıta almady.

 «Ákemdi eshkim óltirmedi. Aýyryp ajal qushty. Ol skandınavtyq dinge senetin. Tiri kezinde, bizge «ólgennen keıin denesin bólshektep, órtep jiberińder» dep ylǵı aıtatyn. Skandınavtyq jerleý rásimi boıynsha, máıitti qaıyqqa salyp sýǵa jiberedi. Artynan janyp turǵan jebeni sadaqpen atyp, máıitti órteıdi», – dedi marqumnyń qyzy.

Marqum Reseıde týyp ósken eken. Keıin Qazaqstanǵa kelip, otbasyn quryp, balaly-shaǵaly bolypty. Eki qyzy bar. Taǵy bir qyzdy asyrap alǵan desedi.

 «Ákem jerleý rásimin júrgizýdi ógeı qyzyna tapsyrǵan. О́ıtkeni ol emoıonaldy, fızıkalyq turǵydan aramyzdaǵy eń myqtysy bolatyn. Ákemizdi aman alyp qala almaǵasyn, denesin syrtqa shyǵara almaıtynyn túsinip, páterdiń ishindegi vannada órteıtin bolyp sheshtik», – dedi marqumnyń qyzy.

Alaıda sol mańdaǵy turǵyndar qylmystyń qyzǵanyshtan bolǵanyna senimdi. О́ıtkeni asyrandy degen 20-nyń tóńiregindegi qyz marqumnyń kóńildesi bolýy múmkin eken.

Al tártip saqshylary bir adamnyń ǵana qamalǵanyn jetkizdi. Áıeli ma, kóńildesi me, álde ógeı qyzy ma, belgisiz.

«Áýezov aýdany polıııa basqarmasy qylmystyq is qozǵady. Kúdikti ustalyp, ýaqytsha ustaý ızolıatoryna qamaldy. Basqa mán-jaıy anyqtalyp jatyr», – dedi Almaty qalasy PD resmı ókili Saltanat Ázirbek.

Marqum shamamen osydan bes kún buryn qaıtys bolǵan eken. Sol ýaqyt boıy borshalanǵan denesi vannada jatypty. Kisi qolynan qaza tapty ma, álde demi dertten úzildi me, bul suraqtyń jaýaby saraptamadan keıin belgili bolmaq.