دەنەسىنىڭ 70 پايىزى كۇيىپ قالعان جۇكتى ايەل امان قالىپ, ساۋ بالا بوساندى

فوتو:gov.kz

شىعىس قازاقستان وبلىسىنىڭ دارىگەرلەرى جۇكتىلىكتىڭ 25-ءشى اپتاسىندا دەنەسى 70 پايىز كۇيىپ قالعان 20 جاستاعى ناۋقاستىڭ ءومىرىن ساقتاپ قالدى. ول امان قالدى, ال ءبىراز ۋاقىتتان كەيىن دەنى ساۋ قىزدى دۇنيەگە اكەلدى, – دەپ حابارلايدى Tengrinews.kz تىلشىسى دەنساۋلىق ساقتاۋ مينيسترىلىگىنە سىلتەمە جاساپ.

ديانا دولگوۆا بورودينو اۋىلىنان التاي قالاسىنداعى اۋدانارالىق اۋرۋحاناعا جەتكىزىلدى. ناۋقاستىڭ باس, مويىن, كەۋدە جانە اياق-قولدارىندا ءبىرىنشى, ەكىنشى جانە ءۇشىنشى دارەجەلى كۇيىكتەرى بولدى.

دارىگەرلەر ونىڭ جاعدايىن اۋىر دەپ باعالاپ, ونى شىعىس قازاقستان وبلىستىق مامانداندىرىلعان مەديتسينالىق ورتالىعىنا تاسىمالداۋ تۋرالى شەشىم قابىلدادى.

جابىرلەنۋشى تىكۇشاقپەن مەديتسينالىق ورتالىققا جەتكىزىلدى, وندا ول قارقىندى تەراپيادان ءوتتى جانە تەرى ترانسپلانتاتسياسى بويىنشا بىرنەشە وتا جاسالدى.

ءبىراز ۋاقىتتان كەيىن ديانا سالماعى 2,2 كەلى جانە بويى 50 سانتيمەتر بولاتىن ساۋ نارەستەنى امان-ەسەن بوساندى. انا مەن بالانىڭ جاعدايىن ءارتۇرلى مەديتسينالىق سالالاردىڭ ماماندارى باقىلاپ وتىردى. ديانا ەمدەۋ كۋرسىنان ءساتتى ءوتتى

بۇعان دەيىن شقو دارىگەرلەرى اۋىر جاعدايدا تۇسكەن تاعى ەكى انانى قۇتقاردى: ولار اۋىر سەپتيكالىق پنەۆمونيامەن اۋىراتىن 18 جاستاعى ناۋقاسقا جانە كوپ مۇشەلى جەتكىلىكسىزدىگى بار 44 جاستاعى ايەلگە كومەكتەستى.