«دەنيس تەن ءولىمدى ءوزى تىلەپ الدى». اينۇر تۇرسىنباەۆا كۇتپەگەن جازبا جاريالادى

فوتو: Yohei Osada / AFLO SPORT / Global Look Press

ايتىسكەر اقىن اينۇر تۇرسىنباەۆا اتاقتى ادامدار ءوز ءولىمىن ءسوز ارقىلى سۇراپ العانىن ايتتى, – دەپ حابارلايدى Massaget.kz تىلشىسى.

ء«سوزدىڭ كيەسى بار. قىرشىنىنان قيىلعان دەنيس تەننەن «سپورتتا قاي جاسقا دەيىن جۇرەسىڭ?» دەپ سۇراعاندا, «25 جاسقا دەيىن» دەپ جاۋاپ بەرگەن. ونىڭ 25-كە جەتپەي قازا تاپقانى ەستەرىڭىزدە شىعار?», – دەدى اينۇر تۇرسىنباەۆا الەۋمەتتىك جەلىدەگى پاراقشاسىندا.

«ورازالى دوسبوسىنوۆ دەگەن الاپات اقىن دوسىم كوبىنەسە ءسوزدى:
«اتىم وراز بولعانمەن,
وتىزدان جاسىم اسپاعان,
يەگىن ساقال جاپپاعان.
ءسۇيىنبايمىن, جامبىلمىن,
تاڭجىرىقپىن, شارعىنمىن» دەپ باستايتىن…

شىنىندا جاسى وتىزدان اسپادى, نەبارى 29 جاسىندا جارىق دۇنيەمەن قوش ايتىسىپ كەتە بەردى», – دەپ تاعى ءبىر تانىمال تۇلعانىڭ تاعدىرىن مىسالعا كەلتىرگەن ول بىرنەشە ادامنىڭ وقيعاسىن ءتىزىپ, بايانداپ بەردى.

كەيىن ورالدان اسىلبەك دەگەن اقىن بالا شىقتى. سول بالا ءوزىنىڭ ەڭ سوڭعى ايتىسىندا:
ء«بىر كۇندە بەس اقىنمەن,
ايتىسىپ ءبارىن جەڭەتىن,
ورازالىنىڭ جولىن بەر» دەپ جىرلاعان ەكەن. ارادا كوپ ۋاقىت وتپەي جاپ-جاس اسىلبەك تۋرا ورازالى اعاسى قۇساپ جول اپاتىنان قازا تاپتى», – دەپ تاعى ءبىر دەرەك كەلتىردى اقىن.

اينۇر تۇرسىنباەۆانىڭ ايتۋىنشا, اتاقتى جانىبەك كارمەنوۆتىڭ ءبىر تەرمەسىندە «جالعىز شىقپا ساپارعا, وكىنىشتە قالارسىڭ» دەگەن جولدار بار ەكەن. جانىبەك كارمەنوۆ جولعا جالعىز شىعىپ كەتىپ جۇرەگى توقتاپ قالىپ, جول اپاتىنا ۇشىراپ قايتىس بولعانىن بىرەۋ ءبىلىپ, بىرەۋ بىلمەس.

«اتاقتى مۇقاعاليدىڭ دا:
«ۇيىقتاپ كەتسەم بولعانى توسەگىمدە,
قىرىقتىڭ بەسەۋىندە» دەگەن ولەڭى بار.. اقيىق اقىن شىنىندا 45 جاسىندا دۇنيەدەن وتكەن ەدى”,- tدپ جازدى اينۇر اقىن.

ول وسىلايشا, ءسوزدىڭ كيەسى بار ەكەنىن, سوندىقتان اۋىزعا اباي بولۋ كەرەگىن ەسكەرتتى وقىرماندارىنا.

ء«بىز كوبىنەسە سوزگە ءمان بەرمەي جاتامىز. اسىرەسە, اشۋلانساق, بالالارعا ۇرىسساق ارتىق كەتىپ قالامىز. ء«وستىپ ءجۇرىپ ءبىر بالەگە ۇرىناسىڭ, سۋىق ءتيىپ ولەسىڭ, وقۋدان شىعارىپ جىبەرەدى, ادام بولمايسىڭ, ەنەڭنەن تاياق جەيسىڭ, باسىڭدى اسىراي المايسىڭ» دەگەن سياقتى ارتىق سوزدەردى ايتىپ جىبەرەمىز. يسلامدا «جاقسى ءسوز سويلە, بولماسا ۇندەمە» دەگەن xاديس بار. ەندەشە جاقسى ويلاپ, تەك قانا جاقسى ءسوز سويلەپ ۇيرەنەيىك. سوندا ءبارى دە جاقسى بولادى», – دەپ قورىتىندىلادى اينۇر ايتقىسى كەلگەن ويىن.