«Denıs Ten ólimdi ózi tilep aldy». Aınur Tursynbaeva kútpegen jazba jarııalady

Foto: Yohei Osada / AFLO SPORT / Global Look Press

Aıtysker aqyn Aınur Tursynbaeva ataqty adamdar óz ólimin sóz arqyly surap alǵanyn aıtty, – dep habarlaıdy Massaget.kz tilshisi.

«Sózdiń kıesi bar. Qyrshynynan qıylǵan Denıs Tennen «sportta qaı jasqa deıin júresiń?» dep suraǵanda, «25 jasqa deıin» dep jaýap bergen. Onyń 25-ke jetpeı qaza tapqany esterińizde shyǵar?», – dedi Aınur Tursynbaeva áleýmettik jelidegi paraqshasynda.

«Orazaly Dosbosynov degen alapat aqyn dosym kóbinese sózdi:
«Atym Oraz bolǵanmen,
Otyzdan jasym aspaǵan,
Iegin saqal jappaǵan.
Súıinbaımyn, Jambylmyn,
Tańjyryqpyn, Sharǵynmyn» dep bastaıtyn…

Shynynda jasy otyzdan aspady, nebári 29 jasynda jaryq dúnıemen qosh aıtysyp kete berdi», – dep taǵy bir tanymal tulǵanyń taǵdyryn mysalǵa keltirgen ol birneshe adamnyń oqıǵasyn tizip, baıandap berdi.

Keıin Oraldan Asylbek degen aqyn bala shyqty. Sol bala óziniń eń sońǵy aıtysynda:
«Bir kúnde bes aqynmen,
Aıtysyp bárin jeńetin,
Orazalynyń jolyn ber» dep jyrlaǵan eken. Arada kóp ýaqyt ótpeı jap-jas Asylbek týra Orazaly aǵasy qusap jol apatynan qaza tapty», – dep taǵy bir derek keltirdi aqyn.

Aınur Tursynbaevanyń aıtýynsha, ataqty Jánibek Kármenovtyń bir termesinde «Jalǵyz shyqpa saparǵa, ókinishte qalarsyń» degen joldar bar eken. Jánibek Kármenov jolǵa jalǵyz shyǵyp ketip júregi toqtap qalyp, jol apatyna ushyrap qaıtys bolǵanyn bireý bilip, bireý bilmes.

«Ataqty Muqaǵalıdyń da:
«Uıyqtap ketsem bolǵany tósegimde,
Qyryqtyń beseýinde» degen óleńi bar.. Aqıyq aqyn shynynda 45 jasynda dúnıeden ótken edi”,- tdp jazdy Aınur aqyn.

Ol osylaısha, sózdiń kıesi bar ekenin, sondyqtan aýyzǵa abaı bolý keregin eskertti oqyrmandaryna.

«Biz kóbinese sózge mán bermeı jatamyz. Ásirese, ashýlansaq, balalarǵa uryssaq artyq ketip qalamyz. «О́stip júrip bir bálege urynasyń, sýyq tıip ólesiń, oqýdan shyǵaryp jiberedi, adam bolmaısyń, eneńnen taıaq jeısiń, basyńdy asyraı almaısyń» degen sııaqty artyq sózderdi aıtyp jiberemiz. Islamda «jaqsy sóz sóıle, bolmasa úndeme» degen xadıs bar. Endeshe jaqsy oılap, tek qana jaqsy sóz sóılep úıreneıik. Sonda bári de jaqsy bolady», – dep qorytyndylady Aınur aıtqysy kelgen oıyn.