«دەنساۋلىق بۇرىنعىداي ەمەس»: دانا نۇرجىگىت جان سىرىن اقتاردى

دانا نۇرجىگىت ەلۋدەن اسقان ايەلدەر قاۋىمىنا اقىل ايتتى. جۋرناليست الەۋمەتتىك جەلىدەگى پاراقشاسىندا ءوزىنىڭ زامانداستارىنا اقىل-كەڭەسىن ايتىپ, “ەلۋدەن كەيىن” دە جارقىن ءومىر ءسۇرۋدىڭ قۇپيالارىمەن ءبولىستى, دەپ حابارلايدى Qandastar.kz.

“قۇربىم, وزىمە ايتقاندى ساعان دا ايتامىن تىڭداشى! ەلۋدەن كەيىن ءومىر بار.

مىناۋ 2015 جىلعى فوتو. استاناعا كوشكەن جىلىم. بۇدان بەرى كوپ نارسە وزگەردى.

شاش تا اعاردى, سالماق تا قوسىلدى, جۇيكە دە جۇقاردى,قاتەلىك تە كوپ بولدى, دەنساۋلىق بۇرىنعىداي ەمەس… Stop!

وسىلاي دا ايتۋعا بولادى! بىراق…بۇل سوزدەر ساعان جىگەر بەرىپ, ەرتەڭگە دەگەن سەنىمىڭدى بەكەم ەتۋگە سەپتىگى بار ما? جوق! ولاي بولسا, ايتپا! ميىڭدى ادەمىلىكتى كورۋگە, جاقسى ءسوز ايتىپ, جاقسىلىقتى عانا كورۋگە ۇيرەت! جاماندىق ونسىز دا جەتىپ جاتىر! ودان دا ءوزىڭدى ورنىڭنان تۇرعىزاتىن, ءومىردى سۇيۋگە تالپىندىراتىن سوزبەن قۋاتتاندىر! ال, قايتا باستا, كانەكي!

ون جىلدا مەن كوپ نارسە جاسادىم. ءتۇرلى جوبالار, مەملەكەتتىك قىزمەت, بالامدى ءوسىردىم, اكەسىمەن جۇزدەستىردىم, سوتتا جەڭىسكە جەتتىم, سىناقتان ءوتتىم, ءوزىمدى ءوزىم قولعا الىپ,سپورتقا بەت بۇردىم, YouTube ارنا اشتىم, ءوز شەبەرحانامدى جۇرگىزەمىن, كىتاپ جازىپ جاتىرمىن…تاعى نە? ا! كەشە ومىرىمدە ءبىرىنشى رەت ۇستىمە تىرىسقان سپورت كيىم كيىپ ۆيدەو جازدىم ول دا بار ايتپاقشى! اس, ۇيقى دەگەندە دە,ادامدارمەن قارىم-قاتىناستا دا ساپانى تاڭدايتىن بولدىم.

مىنە, قۇربىم! باسقانىڭ سوزىمەن ەمەس, ءوزىمنىڭ جولىمنان تايماي, “وزىڭمەن كۇرەس ولگەنشە”دەپ الشاڭ باسىپ, ەڭسەم تۇسپەيتىندەي ءومىر سۇرەمىن.

فورماعا ەمەس,مازمۇنعا ءمان بەر! ماڭگىلىكتىڭ ولشەمىندە ءبارى توزاق. ءدال قازىرگى ساتتەن لياززات تاۋىپ ۇيرەن,قۇربىم! باتىل بول! باقىتتى بول!”, — دەپ جازدى ول.