«Densaýlyq burynǵydaı emes»: Dana Nurjigit jan syryn aqtardy

Dana Nurjigit elýden asqan áıelder qaýymyna aqyl aıtty. Jýrnalıst áleýmettik jelidegi paraqshasynda óziniń zamandastaryna aqyl-keńesin aıtyp, “elýden keıin” de jarqyn ómir súrýdiń qupııalarymen bólisti, dep habarlaıdy Qandastar.kz.

“Qurbym, ózime aıtqandy saǵan da aıtamyn Tyńdashy! Elýden keıin ómir bar.

Mynaý 2015 jylǵy foto. Astanaǵa kóshken jylym. Budan beri kóp nárse ózgerdi.

Shash ta aǵardy, salmaq ta qosyldy, júıke de juqardy,qatelik te kóp boldy, densaýlyq burynǵydaı emes… Stop!

Osylaı da aıtýǵa bolady! Biraq…bul sózder saǵan jiger berip, erteńge degen senimińdi bekem etýge septigi bar ma? Joq! Olaı bolsa, aıtpa! Mıyńdy ádemilikti kórýge, jaqsy sóz aıtyp, jaqsylyqty ǵana kórýge úıret! Jamandyq onsyz da jetip jatyr! Odan da ózińdi ornyńnan turǵyzatyn, ómirdi súıýge talpyndyratyn sózben qýattandyr! Al, qaıta basta, kánekı!

On jylda men kóp nárse jasadym. Túrli jobalar, memlekettik qyzmet, balamdy ósirdim, ákesimen júzdestirdim, sotta jeńiske jettim, synaqtan óttim, ózimdi ózim qolǵa alyp,sportqa bet burdym, YouTube arna ashtym, óz sheberhanamdy júrgizemin, kitap jazyp jatyrmyn…taǵy ne? A! Keshe ómirimde birinshi ret ústime tyrysqan sport kıim kıip vıdeo jazdym ol da bar aıtpaqshy! As, uıqy degende de,adamdarmen qarym-qatynasta da SAPANY tańdaıtyn boldym.

Mine, qurbym! Basqanyń sózimen emes, ózimniń jolymnan taımaı, “ózińmen kúres ólgenshe”dep alshań basyp, eńsem túspeıtindeı ómir súremin.

Formaǵa emes,mazmunǵa mán ber! Máńgiliktiń ólsheminde bári tozaq. Dál qazirgi sátten lıazzat taýyp úıren,qurbym! Batyl bol! Baqytty bol!”, — dep jazdy ol.