دەنساۋلىق ساقتاۋ مينيسترلىگى ەلىمىزدە قىزىلشا جانە كوكجوتەل بويىنشا ەپيدەميولوگيالىق قولايسىزدىق بايقالىپ وتىرعانىن مالىمدەدى

فوتو: freepik.com

دەنساۋلىق ساقتاۋ مينيسترلىگى وكىلدەرى سوڭعى ۋاقىتتا ەلىمىزدە قىزىلشا جانە كوكجوتەلمەن سىرقاتتانۋشىلىق بويىنشا ەپيدەميولوگيالىق جاعداي ناشارلاعانىن مالىمدەدى, دەپ جازدى

بۇل تۋرالى Stan.kzاقپارات اگەنتتىگى حابارلايدى.

ۆەدومستۆو مالىمەتىنشە, قىزىلشا بويىنشا 75% جاعداي جانە كوكجوتەل بويىنشا 87% جاعداي جوسپارلى ۆاكتسيناتسيا الماعان بالالارعا تيەسىلى. مينيسترلىكتەگىلەر ناقتى قانشا بالا قىزىلشامەن جانە كوكجوتەلمەن سىرقاتاننىپ جاتقانىن حابارلامادى.

ايتا كەتەيىك, قازاقستاندا 27 ساۋىردە ەۋروپالىق يممۋنداۋ اپتالىعى باستالدى, بۇل شارا 3 مامىرعا دەيىن جالعاسادى.

“ۆاكتسينانىڭ ارقاسىندا قازاقستاندا 1996 جىلدان باستاپ پوليوميەليت, 2009 جىلدان باستاپ ديفتەريا تىركەلمەگەن. ەپيدپاروتيتپەن سىرقاتتانۋشىلىق 100 ەسەدەن استام, ا گەپاتيتى – 32 ەسە, ۆ گەپاتيتى – 92 ەسە, قىزامىق 2 مىڭ ەسەدەن استام تومەندەدى”, – دەلىنگەن حابارلامادا.

بۇگىنگى تاڭدا يممۋنداۋ باعدارلاماسى 21 ينفەكتسيادان قورعايدى.

ەسكە سالساق, 2024 جىلدان باستاپ ۇلتتىق كۇنتىزبەگە 11-13 جاس ارالىعىنداعى قىزدارعا ارنالعان اپۆ-عا قارسى ۆاكتسيناتسيالاۋ قوسىلدى.