دەنساۋلىق ساقتاۋ مينيسترلىگى ماڭىزدى حابارلاما جاسادى

فوتو: اشىق دەرەككوز

دەنساۋلىق ساقتاۋ مينيسترلىگى قازاقستاندىقتاردى الاياقتاردان ساق بولۋعا شاقىرادى, دەپ حابارلادى qandastar.kz

ەلىمىزدە الاياقتىقتىڭ جاڭا ءتۇرى پايدا بولدى. الەۋمەتتىك جەلى قولدانۋشىلارى بەلگىسىز نومىرلەردەن قوڭىراۋ ءتۇسىپ, ەمحاناعا سكرينينگتەن وتۋگە شاقىرىپ, SMS ارقىلى كەلگەن حابارلامانى راستاۋدى سۇراعانىن جازۋدا.

دەنساۋلىق ساقتاۋ مينيسترلىگى بۇل جاعدايعا قاتىستى كەلەسىدەي تۇسىنىكتەمە بەردى:

«دەنساۋلىق ساقتاۋ مينيسترلىگى ازاماتتاردى سكرينينگتىك تەكسەرۋلەرگە شاقىرۋ سىلتاۋىمەن جاسالاتىن الاياقتىق ارەكەتتەر تۋرالى ەسكەرتەدى. الاياقتار مەديتسينالىق ۇيىمداردىڭ اتىنان حابارلاسىپ, سكرينينگكە جازىلۋدى راستاۋ ءۇشىن SMS-كودتى ايتۋىڭىزدى سۇرايدى. مەملەكەتتىك مەديتسينالىق مەكەمەلەر سكرينينگكە شاقىرعان جاعدايدا, سىزدەن ەشقاشان SMS-كودتى راستاۋدى تالاپ ەتپەيدى. الاياقتارعا الدانباڭىزدار», – دەلىنگەن حابارلامادا.