Densaýlyq saqtaý mınıstrligi mańyzdy habarlama jasady

Foto: ashyq derekkóz

Densaýlyq saqtaý mınıstrligi qazaqstandyqtardy alaıaqtardan saq bolýǵa shaqyrady, dep habarlady qandastar.kz

Elimizde alaıaqtyqtyń jańa túri paıda boldy. Áleýmettik jeli qoldanýshylary belgisiz nómirlerden qońyraý túsip, emhanaǵa skrınıngten ótýge shaqyryp, SMS arqyly kelgen habarlamany rastaýdy suraǵanyn jazýda.

Densaýlyq saqtaý mınıstrligi bul jaǵdaıǵa qatysty kelesideı túsinikteme berdi:

«Densaýlyq saqtaý mınıstrligi azamattardy skrınıngtik tekserýlerge shaqyrý syltaýymen jasalatyn alaıaqtyq áreketter týraly eskertedi. Alaıaqtar medıınalyq uıymdardyń atynan habarlasyp, skrınıngke jazylýdy rastaý úshin SMS-kodty aıtýyńyzdy suraıdy. Memlekettik medıınalyq mekemeler skrınıngke shaqyrǵan jaǵdaıda, sizden eshqashan SMS-kodty rastaýdy talap etpeıdi. Alaıaqtarǵa aldanbańyzdar», – delingen habarlamada.