Qarjy jáne tólemder
Densaýlyq saqtaý mınıstrligi mańyzdy habarlama jasady
Foto: ashyq derekkóz
QR Densaýlyq saqtaý mınıstrligi 2025 jyly 5 naýryzda jedel járdem qyzmetiniń balama baılanys arnalary týraly málimdeme jasady, dep habarlaıdy qandastar.kz
Quzyrly vedomstvo málimetinshe, sońǵy kúnderi azamattar jedel járdem qyzmetiniń 103 dıspetcheriniń pýltine qońyraý shalýdyń jekelegen jaǵdaılary týraly shaǵymdanǵan. Ulttyq shuǵyl medıınany úılestirý ortalyǵy túsindirip ótkendeı, Almaty qalasynda 2025 jylǵy 3 naýryzda saǵat 23:40-tan 00:00-ge deıin (20 mınýt) bolǵan «103» jelisindegi baılanystyń buzylýyna baılanysty oqıǵa boıynsha tehnıkalyq saraptama júrgizildi. Qońyraý shala almaý sebebi baılanys operatorynyń E1 aǵynynyń durys jumys istemeýi boldy.
Mınıstrlik bul máseleni joıý úshin baılanysty turaqtandyrý boıynsha dereý sharalar qabyldanǵanyn naqtylady. Qazirgi ýaqytta telefon baılanysy shtattyq rejımde jumys isteıdi.
«103 nómirin terý kezinde baılanystyń buzylýynyń yqtımal sebebi uıaly baılanys operatorynyń jelisi boıynsha uıaly baılanystyń isten shyǵýy bolýy múmkin, sondaı-aq uıaly telefondardyń keıbir úlgileri shuǵyl qyzmettermen baılanysty qoldamaýy nemese durys baǵyttalmaýy múmkin dep eskertedi», delingen mınıstrlik habarlamasynda.
Sondaı-aq «103» nómirine qońyraý shalý kezinde teriletin nómirge deıin 9 prefıksin qosý kerektigi eskertiledi.
