جاڭالىقتار
دەنساۋلىق ساقتاۋ مينيسترلىگىندە لاۋازىمدى تۇلعالار قازاقستانعا شەت ەلدەن بەلگىسىز دارىلىك پرەپاراتتار وتكىزگەن
فوتو: Ru.freepik.com
قازاقستان ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ Kazinform پورتالىنا بەرگەن سۇحباتىندا جىل باسىنان بەرى ۇلتتىق قاۋىپسىزدىك كوميتەتىنىڭ 3,8 ترلن تەڭگەدەن استام ەكونوميكالىق شىعىننىڭ الدىن العانىن ايتتى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ۇلتتىق قاۋىپسىزدىك كوميتەتى ەكونوميكالىق قاۋىپسىزدىكتى قامتاماسىز ەتۋ شارالارىنىڭ ناتيجەسىندە بىرقاتار لاۋازىمدى تۇلعالارىنىڭ زاڭسىز ارەكەتتەرىن توقتاتقان.
“ەلەاس” كومپانياسى مەن دەنساۋلىق ساقتاۋ مينيسترلىگىنىڭ بىرقاتار لاۋازىمدى تۇلعالارى شەت ەلدەن بەلگىسىز دارىلىك پرەپاراتتاردى شيكىزات رەتىندە جاسىرىپ, كونتراباندالىق جولمەن ەلگە كىرگىزىپ, كەيىن ونى جالعان ءوندىرىس ارقىلى قازاقستاندا وتكىزگەن. سوت شەشىمىمەن كەلتىرىلگەن شىعىن كولەمى – 26 ميلليارد تەڭگە. سونداي-اق رەسپۋبليكالىق ماڭىزى بار اۆتوجولدى قايتا جاڭعىرتۋ جوباسىن ىسكە اسىرۋ بارىسىندا 300 ميلليون تەڭگەدەن استام بيۋدجەت قارجىسىن جىمقىرعان “قازاۆتوجول” ۇك” اق-نىڭ بۇرىنعى باسشىسىنىڭ قىلمىستىق ارەكەتى توقتاتىلدى”, – دەدى قازاقستان ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ.
وسىلايشا جىل باسىنان بەرى ۇلتتىق قاۋىپسىزدىك كوميتەتى ەكونوميكالىق قاۋىپسىزدىكتى قامتاماسىز ەتۋ شارالارى ناتيجەسىندە 3,8 تريلليون تەڭگەدەن استام ەكونوميكالىق شىعىننىڭ الدىن الىپ, بيۋدجەتكە 254 ميلليارد تەڭگە قايتارعان.
