Densaýlyq saqtaý mınıstrliginde laýazymdy tulǵalar Qazaqstanǵa shet elden belgisiz dárilik preparattar ótkizgen

Foto: Ru.freepik.com

Qazaqstan Ulttyq qaýipsizdik komıtetiniń tóraǵasy Ermek Saǵymbaev Kazinform portalyna bergen suhbatynda jyl basynan beri Ulttyq qaýipsizdik komıtetiniń 3,8 trln teńgeden astam ekonomıkalyq shyǵynnyń aldyn alǵanyn aıtty, dep jazdy qandastar.kz

Bul týraly Stan.kz aqparat agenttigi habarlaıdy.

Ulttyq qaýipsizdik komıteti ekonomıkalyq qaýipsizdikti qamtamasyz etý sharalarynyń nátıjesinde birqatar laýazymdy tulǵalarynyń zańsyz áreketterin toqtatqan.

“Eleas” kompanııasy men Densaýlyq saqtaý mınıstrliginiń birqatar laýazymdy tulǵalary shet elden belgisiz dárilik preparattardy shıkizat retinde jasyryp, kontrabandalyq jolmen elge kirgizip, keıin ony jalǵan óndiris arqyly Qazaqstanda ótkizgen. Sot sheshimimen keltirilgen shyǵyn kólemi – 26 mıllıard teńge. Sondaı-aq respýblıkalyq mańyzy bar avtojoldy qaıta jańǵyrtý jobasyn iske asyrý barysynda 300 mıllıon teńgeden astam bıýdjet qarjysyn jymqyrǵan “Qazavtojol” UK” AQ-nyń burynǵy basshysynyń qylmystyq áreketi toqtatyldy”, – dedi Qazaqstan Ulttyq qaýipsizdik komıtetiniń tóraǵasy Ermek Saǵymbaev.

Osylaısha jyl basynan beri Ulttyq qaýipsizdik komıteti ekonomıkalyq qaýipsizdikti qamtamasyz etý sharalary nátıjesinde 3,8 trıllıon teńgeden astam ekonomıkalyq shyǵynnyń aldyn alyp, bıýdjetke 254 mıllıard teńge qaıtarǵan.