دەنساۋلىق ساقتاۋ سالاسىنا بولىنگەن قارجىنىڭ ناتيجەسى كورىنىپ جاتقان جوق – پرەزيدەنت

بيۋدجەت قاراجاتى وڭدى-سولدى جۇمسالىپ جاتىر. بۇل تۋرالى قازاقستان حالقىنا جولداۋىن جاريالاۋ كەزىندە مەملەكەت باسشىسى قاسىم-جومارت توقاەۆ ايتتى,, دەپ حابارلايدى Skifnews.kz اقپارات پورتالى.

توقاەۆ ۇلت ساۋلىعىن نىعايتۋ ءۇشىن كەشەندى شارالاردى قولعا الىپ, حالىقتى الەۋمەتتىك قولداۋ جۇيەسىن جاڭعىرتۋ كەرەگىن ەسكە سالدى.

“مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ەنگىزىلۋى دەنساۋلىق ساقتاۋ سالاسىنا قوسىمشا رەسۋرستار اكەلىپ, جەكە مەنشىك مەديتسيناعا زور پايداسىن تيگىزدى.بيىل دەنساۋلىق ساقتاۋ سالاسىنا بيۋدجەتتەن 3,3 تريلليون تەڭگە قارجى ءبولىندى. بىراق ونىڭ ناتيجەسى ءالى كورىنىپ جاتقان جوق. مەديتسينالىق ساقتاندىرۋ جۇيەسىنە قاتىسۋشىلار اراسىندا مىندەتتەردىڭ دۇرىس بولىنبەۋى بۇرمالانعان اقپاراتتىڭ كوبەيۋىنە اكەپ سوقتىردى. ناۋقاستارعا مەملەكەت كەپىلدىك بەرگەن قىزمەتتەردى اقىلى نەگىزدە الۋدى نەمەسە بىرنەشە اي بويى كەزەك كۇتۋدى ۇسىنۋ جايتتارى از ەمەس. بۇعان جول بەرۋگە بولمايدى”, – دەدى پرەزيدەنت.

ول بيۋدجەتتىڭ مۇمكىندىگى مەن مىندەتتەمەسىن ەسكەرە وتىرىپ, مەملەكەت كەپىلدىك بەرەتىن مەديتسينالىق كومەكتىڭ بىرىڭعاي بازالىق توپتاماسىن جاساۋ قاجەت ەكەنىن ايتتى.

“ودان اسىپ كەتكەن شىعىننىڭ ءبارى ساقتاندىرۋ جۇيەسى ارقىلى تولەنۋگە ءتيىس. تسيفرلاندىرۋ بولماسا, مۇنداي اۋقىمدى وزگەرىستەردى ءساتتى جۇزەگە اسىرۋ مۇمكىن ەمەس. ءبىر-بىرىنە بايلانىسى جوق ونداعان باعدارلاما مەن اقپاراتتار بازاسىنىڭ ورنىنا بىرىڭعاي مەملەكەتتىك مەديتسينالىق اقپارات جۇيەسىن جاساۋ كەرەك. جاڭا جۇيە, مەنشىك تۇرىنە قاراماستان, مەملەكەتتىك تاپسىرىس الاتىن مەديتسينا مەكەمەلەرىنىڭ بارىنە تولىق باقىلاۋ جاسالۋىن جانە مالىمەتتەردىڭ شىنايى بولۋىن قامتاماسىز ەتۋى قاجەت. ۇكىمەت وسى ماڭىزدى ماسەلەنى شەشۋگە دەرەۋ كىرىسىپ, بۇل باعىتتاعى جۇمىستىڭ بارىسى جونىندە ماعان جانە دەپۋتاتتىق كورپۋسقا ەسەپ بەرىپ وتىرۋعا ءتيىس”, – دەيدى مەملەكەت باسشىسى.