جاڭالىقتار
دەنساۋلىق ساقتاۋ جانە ويىن بيزنەسىنە قاتىستى زاڭعا قول قويىلدى
فوتو: اقوردا
تۇزەتۋلەردىڭ ءبىرىنشى بلوگى دەنساۋلىق ساقتاۋ سالاسىنداعى جەكەلەگەن ماسەلەلەردى شەشۋگە باعىتتالعان, دەپ جازدى qandastar.kz
مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ, ويىن بيزنەسى جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى Skifnews.kz اقپارات پورتالى.
زاڭمەن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە, «جارناما تۋرالى», «ويىن بيزنەسى تۋرالى», «مىندەتتى الەۋمەتتىك مەديتسينالىق ساقتاندىرۋ تۋرالى» زاڭدارعا تۇزەتۋلەر ەنگىزىلدى.
تۇزەتۋلەردىڭ ءبىرىنشى بلوگى دەنساۋلىق ساقتاۋ سالاسىنداعى جەكەلەگەن ماسەلەلەردى شەشۋگە باعىتتالعان.
ونكولوگيالىق اۋرۋلاردى ەرتە انىقتاۋعا ارنالعان سكرينينگتىك زەرتتەۋلەر كەزىندە امبۋلاتوريالىق جاعدايدا بەرىلەتىن مامانداندىرىلعان مەديتسينالىق كومەك اياسىنداعى زەرتتەۋلەر مىندەتتى الەۋمەتتىك مەديتسينالىق ساقتاندىرۋ جۇيەسىنەن الىنىپ, مەملەكەت كەپىلدىك بەرەتىن مەديتسينالىق كومەكتىڭ تەگىن كولەمىنە ەنگىزىلگەن.
بىرقاتار تۇزەتۋلەر مۇگەدەكتىگى جوق ناۋقاستاردى ەستۋ اپپاراتتارىمەن قامتاماسىز ەتۋدى كوزدەيدى.
ەكىنشى بلوكتا بۋكمەكەرلىك كەڭسەلەر مەن توتاليزاتورلاردى ۇيالى بايلانىستىڭ ابونەنتتىك قۇرىلعىلارى, سونداي-اق ونلاين-پلاتفورمالار ارقىلى جارنامالاۋعا تىيىم سالىنعان.سونىمەن قاتار بۋكمەكەرلىك كەڭسەلەر مەن توتاليزاتورلاردى جارنامالاۋ رۇقسات ەتىلگەن بۇقارالىق اقپارات قۇرالدارىنىڭ شەڭبەرى تارىلدى, ولار ەندى تەك سپورتتىق باعىتتا بولۋى كەرەك.
«ويىن بيزنەسى تۋرالى» زاڭدا باس بوستاندىعىن شەكتەۋ تۇرىندەگى جازا بويىنشا سوتتالعان نەمەسە شارتتى تۇردە سوتتالعان ادامداردىڭ قۇمار ويىندارعا جانە (نەمەسە) ءباس تىگۋگە قاتىسۋىنا تىيىم سالۋ بەلگىلەنگەن.
زاڭنىڭ ءماتىنى باسپاسوزدە جاريالانادى.
