دەنساۋمين: دارىگەرلەر تاپشىلىعى باسىم ايماقتاردى اتادى

فوتو: depositphotos

دەنساۋلىق ساقتاۋ مينيسترلىگى دارىگەرلەر تاپشىلىعى باسىم ايماقتاردى اتادى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

دەنساۋلىق ساقتاۋ مينيسترلىگى مەديتسينا كادرلارىنىڭ تاپشىلىعىن شەشۋ جولدارىنىڭ ءبىرى رەتىندە مەديتسينالىق جوو-لاردىڭ تۇلەكتەرىن ءبولۋ تەتىگىن تيىمدىرەك ەتۋدى ۇسىنادى.

«قازىر مەديتسينالىق جوو-لار تۇلەكتەرىنىڭ ۇشتەن بىرىنە جۋىعى ءبولۋ بويىنشا جۇمىس ىستەمەيدى, نەگىزىنەن جۇمىسقا ورنالاسۋ ءۇشىن جەكە مەديتسينالىق ۇيىمداردى ارتىق كورەدى. سونىمەن قاتار مەملەكەتتىك ءبىلىم بەرۋ تاپسىرىسى شەڭبەرىندە كادرلاردى دايارلاۋ مەن جەرگىلىكتى بيۋدجەت قاراجاتىنىڭ ەسەبىنەن كادرلاردى دايارلاۋدىڭ اراسىندا ۇيلەسىمدىلىك جوق (جاو گرانتتارى), بۇل مەديتسينا كادرلارىن ءتيىمدى جوسپارلاۋعا اسەر ەتەدى, مامانداردىڭ جەرگىلىكتى جەرگە جەتۋى بويىنشا مونيتورينگ تە ءالسىز جۇرگىزىلىپ جاتىر» , – دەپ اتاپ ءوتتى دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆ ءوز سوزىندە اباي وبلىسىنداعى پارلامەنت سەناتىنىڭ كوشپەلى وتىرىسىندا.

جاعدايدى وزگەرتۋ ءۇشىن پارمەندى شارالار رەتىندە دەنساۋلىق ساقتاۋ مينيسترلىگى كادرلارمەن قامتاماسىز ەتۋدە ناقتى ۇيلەستىرۋدى بەلگىلەۋ قاجەت بولعان جاعدايدا جاس مامانداردى جۇمىسقا دەربەس ءبولۋدى ۋاكىلەتتى ورگاننىڭ دەڭگەيىنە قايتارۋدى ۇسىنادى.

ەكىنشى – تۇلەكتەردىڭ جەكەلەگەن ساناتتارى ءۇشىن جۇمىس ىستەۋدى كەيىنگە قالدىرۋ, رەزيدەنتۋرادا وقۋدى جالعاستىرۋدى ەنگىزۋ, مساك دەڭگەيىندە كەمىندە ءۇش جىل جۇمىس ءوتىلى بار مەديتسينا قىزمەتكەرلەرى ءۇشىن ەرتە (الدىن الا) ءبولۋ ءراسىمىن ەنگىزۋ.

سونىمەن قاتار كادرلاردى ءبولۋدى رەتتەۋ جانە الەۋمەتتىك قولداۋ شارالارىن كورسەتۋ جونىندەگى جۇمىستى ۇيلەستىرۋ ءۇشىن جەرگىلىكتى جەرلەردە وڭىرلىك كوميسسيالار قۇرعان ءجون.

بۇدان باسقا ۆەدومستۆو كادرلاردى جەرگىلىكتى جەرلەردە ۇستاپ تۇرۋ جانە اۋىلدىق جەرلەردە دارىگەرلىك قىزمەتتىڭ بەدەلىن ارتتىرۋ ءۇشىن قوسىمشا ىنتالاندىرۋ شارالارىنىڭ تۇتاس پاكەتىن باستاماشىلىق ەتەدى. ولاردىڭ قاتارىندا ينتەرن-دارىگەرلەرىنە ارنالعان ءبىلىم بەرۋ باعدارلامالارىن جاڭارتۋ, پسيحولوگيالىق قولداۋ باعدارلامالارىن ۇيىمداستىرۋ جانە ۇزاق تاجىريبەسى بار مەديتسينا قىزمەتكەرلەرىن ىنتالاندىرۋ جۇيەلەرىن ەنگىزۋ جانە باسقا دا ماتەريالدىق ەمەس ىنتالاندىرۋ شارالارى بار.

بۇل باستامالار دەنساۋلىق ساقتاۋ جۇيەسىن نىعايتۋعا جانە اۋىلدىق جەرلەردەن مەديتسينا كادرلارىنىڭ كەتۋىن ازايتۋعا جاعداي جاساۋعا باعىتتالعان.

حيرۋرگيالىق توپتىڭ ەڭ كوپ سۇرانىسقا يە 5 ماماندىعىنا انەستەزيولوگ-رەانيماتولوگتار كىرەدى, قاجەتتىلىك – 306, حيرۋرگتار – 210, وفتالمولوگتار – 112, وتورينولارينگولوگتار – 83, انگيوحيرۋرگتار – 44-ءتى قۇرايدى. بوساندىرۋ قىزمەتىنىڭ ەڭ سۇرانىسقا يە ماماندارى: اكۋشەر-گينەكولوگتار – 253, نەوناتولوگتار – 87.

دارىگەرلەرگە دەگەن جوعارى قاجەتتىلىك استانا (702 دارىگەر), الماتى (497 دارىگەر), شىمكەنت (234 دارىگەر) سياقتى ءىرى قالالاردا بار. اۋىلدىق ەلدى مەكەندەر دەڭگەيىندە مەديتسينا قىزمەتكەرلەرىنە ەڭ ۇلكەن سۇرانىس اقمولا (116 دارىگەر), تۇركىستان (135 دارىگەر), بقو (89 دارىگەر) بايقالادى.