Densaýmın: dárigerler tapshylyǵy basym aımaqtardy atady

Foto: depositphotos

Densaýlyq saqtaý mınıstrligi dárigerler tapshylyǵy basym aımaqtardy atady, – dep habarlaıdy qandastar.kz Massaget.kz tilshisine silteme jasap.

Densaýlyq saqtaý mınıstrligi medıına kadrlarynyń tapshylyǵyn sheshý joldarynyń biri retinde medıınalyq JOO-lardyń túlekterin bólý tetigin tıimdirek etýdi usynady.

«Qazir medıınalyq JOO-lar túlekteriniń úshten birine jýyǵy bólý boıynsha jumys istemeıdi, negizinen jumysqa ornalasý úshin jeke medıınalyq uıymdardy artyq kóredi. Sonymen qatar memlekettik bilim berý tapsyrysy sheńberinde kadrlardy daıarlaý men jergilikti bıýdjet qarajatynyń esebinen kadrlardy daıarlaýdyń arasynda úılesimdilik joq (JAO granttary), bul medıına kadrlaryn tıimdi josparlaýǵa áser etedi, mamandardyń jergilikti jerge jetýi boıynsha monıtorıng te álsiz júrgizilip jatyr» , – dep atap ótti Densaýlyq saqtaý birinshi vıe-mınıstri Tımýr Sultanǵazıev óz sózinde Abaı oblysyndaǵy Parlament Senatynyń kóshpeli otyrysynda.

Jaǵdaıdy ózgertý úshin pármendi sharalar retinde Densaýlyq saqtaý mınıstrligi kadrlarmen qamtamasyz etýde naqty úılestirýdi belgileý qajet bolǵan jaǵdaıda jas mamandardy jumysqa derbes bólýdi ýákiletti organnyń deńgeıine qaıtarýdy usynady.

Ekinshi – túlekterdiń jekelegen sanattary úshin jumys isteýdi keıinge qaldyrý, rezıdentýrada oqýdy jalǵastyrýdy engizý, MSAK deńgeıinde keminde úsh jyl jumys ótili bar medıına qyzmetkerleri úshin erte (aldyn ala) bólý rásimin engizý.

Sonymen qatar kadrlardy bólýdi retteý jáne áleýmettik qoldaý sharalaryn kórsetý jónindegi jumysty úılestirý úshin jergilikti jerlerde óńirlik komıssııalar qurǵan jón.

Budan basqa vedomstvo kadrlardy jergilikti jerlerde ustap turý jáne aýyldyq jerlerde dárigerlik qyzmettiń bedelin arttyrý úshin qosymsha yntalandyrý sharalarynyń tutas paketin bastamashylyq etedi. Olardyń qatarynda ıntern-dárigerlerine arnalǵan bilim berý baǵdarlamalaryn jańartý, psıhologııalyq qoldaý baǵdarlamalaryn uıymdastyrý jáne uzaq tájirıbesi bar medıına qyzmetkerlerin yntalandyrý júıelerin engizý jáne basqa da materıaldyq emes yntalandyrý sharalary bar.

Bul bastamalar densaýlyq saqtaý júıesin nyǵaıtýǵa jáne aýyldyq jerlerden medıına kadrlarynyń ketýin azaıtýǵa jaǵdaı jasaýǵa baǵyttalǵan.

Hırýrgııalyq toptyń eń kóp suranysqa ıe 5 mamandyǵyna anestezıolog-reanımatologtar kiredi, qajettilik – 306, hırýrgtar – 210, oftalmologtar – 112, otorınolarıngologtar – 83, angıohırýrgtar – 44-ti quraıdy. Bosandyrý qyzmetiniń eń suranysqa ıe mamandary: akýsher-gınekologtar – 253, neonatologtar – 87.

Dárigerlerge degen joǵary qajettilik Astana (702 dáriger), Almaty (497 dáriger), Shymkent (234 dáriger) sııaqty iri qalalarda bar. Aýyldyq eldi mekender deńgeıinde medıına qyzmetkerlerine eń úlken suranys Aqmola (116 dáriger), Túrkistan (135 dáriger), BQO (89 dáriger) baıqalady.