مادەنيەت
دەپۋتات اباي وپەرا تەاترىنا شۇيلىكتى
فوتو: ينستاگرام
ءماجىلىس دەپۋتاتى رينات زايىتوۆ الماتىداعى تانىمال تەاتر عيماراتىن جالعا بەرىپ جۇرگەنىن ايتتى, دەپ حابارلايدى qandastar.kz
زايىتوۆتىڭ سوزىنشە, الماتىداعى بەتكە ۇستار اباي اتىنداعى قازاق ۇلتتىق وپەرا جانە بالەت تەاترى كىرەبەرىسىن كەشكى كورپوراتيۆ كەشتەرگە اشىق تۇردە جالعا بەرىپ جاتىر.
ول اقشا قايدا كەتىپ جاتىر? كىممەن قانداي كەلىسىمشارت جاسالىپ جاتىر? نەگە اباي تەاترىندا كەشكى ساعات 6-دان تۇنگى ساعات 3-كە دەيىن جەكە كەشتەر وتەدى? قانداي رۇقساتپەن قانداي زاڭعا نەگىزدەلگەن? قاي كۇنى كىمنىڭ كەشى بولعانىن سۋرەت-ۆيدەوسىمەن كورسەتە الامىن, — دەدى دەپۋتات وتىرىستا.
رينات زايىتوۆ قازاقستان تەاترلارىنىڭ جۇمىسىن جۇيەلەندىرۋ, قارجىلاندىرۋ, كادر ماسەلەسىن شەشۋ, ءبىلىم بەرۋ جۇيەسىن دامىتۋ جانە تەاتردى حالىققا قولجەتىمدى ەتۋ ماڭىزدى ەكەنىن قوستى. دەپۋتات بۇل ماسەلەلەر ءوز شەشىمىن تابۋى ءۇشىن مەملەكەت پەن مادەنيەت ۇيىمدارى بىرلەسىپ جۇمىس ىستەۋى كەرەگىن ايتتى.
