جاڭالىقتار
دەپۋتات: Air Astana اسپاننىڭ قۇدايى بولىپ العان
فوتو: اشىق دەرەككوز
دەپۋتات ەدىل جاڭبىرشين ماجىلىستە وتكەن ۇكىمەت ساعاتىندا ايتتى. ول كومپانيانىڭ پرەزيدەنتى پيتەر فوستەرگە «شاڭىراققا قاراڭىز» دەپ شۇيلىكتى, دەپ جازدى qandastar.kz
وعان سەبەپ تە جوق ەمەس دەيدى حالىق قالاۋلىسى. سوزىنشە, اۋە بيلەتىنىڭ قۇنى ۇشۋ ۋاقىتى جاقىنداعاندا قىمباتتايدى, ال ۇشاق كەشىككەن جاعدايدا وتەماقىنى الۋ تىم قيىن. بۇدان بولەك اۋە كومپانياسىنداعى مۋلتيمەديانىڭ دەنى وزگە تىلدە جازىلادى. جاڭبىرشين مەملەكەتتىك تىلدەگى كونتەنت ۇلەسىن ارتتىرۋ كەرەك دەگەن پىكىردە. كولىك ءمينيسترىن وسى ەكى ماسەلەگە نازار سالۋىن ءوتىندى. ءوز كەزەگىندە دەپۋتاتتىڭ ەموتسياعا بەرىلىپ ايتقان مالىمدەمەسىنە فوستەر مىرزا جىميا قارادى.
«كۇلەتىن ەشتەڭە ەمەس. ءسىز كۇلمەڭىز. ءسىز وسى جەردە وتىرىپ الىپ, ءبىزدى مەنسىنبەي وتىرسىز. ءبىز سىزگە ەشتەڭەنى تۇسىنبەيتىن افريكاداعى ابوريگەن ەمەسپىز. بۇل – پارلامەنت, وسىندا حالىقتىڭ وكىلدەرى وتىر», – دەدى ەدىل جاڭبىرشين.
