Depýtat: Aqtaýdaǵy apatqa qatysty tergeý ashyq júrip jatyr

Foto: ashyq derekkóz

Májilis depýtaty, Májilistegi «AMANAT» frakııasynyń jetekshisi Elnur Beısenbaev Aqtaýdaǵy Ázerbaıjannyń apatqa ushyraǵan ushaǵyna qatysty pikir bildirdi, dep jazdy qandastar.kz

 «Bıylǵy kibise jyldyń sońynda júzdegen adamnyń qaza tabýyna ákelgen aýyr ushaq apattary boldy. Onyń biri – Ázerbaıjan ushaǵynyń Aqtaý qalasynda apatqa ushyraýy.

Qysqa ýaqyt ishinde bul másele saıasılanyp, álemdik BAQ betterinde kóp talqylanyp, túrli pikirler aıtylǵan taqyrypqa aınaldy. О́ıtkeni bul apatqa bizben shekaralas birneshe eldiń tikeleı qatysy bar.

Osy rette, jaǵdaıdyń kúrdeliligine baılanysty Memleket basshysynyń tapsyrmasymen arnaıy Úkimettik komıssııa qurylyp, apat boıynsha árbir qabyldanatyn sheshim buqaralyq aqparat quraldarynda búkpesiz taratylyp jatyr», – dedi halyq qalaýlysy.

Onyń aıtýynsha, tergeý amaldaryna eshbir múddeli memleketter tarapynan qysymǵa jol berilmeı, ol tek qana halyqaralyq talaptarǵa saı jan-jaqty zerttelip jatyr. Bul – Qazaqstannyń myzǵymas ári nyq ustanymy.

«Oǵan dálel – zardap shekken memleketterdiń saıası qysymyna qaramastan, Qazaqstan basshylyǵy Ázerbaıjan ushaǵynyń qara jáshikterin Brazılııanyń Áýe apattaryn tergeý jáne aldyn alý ortalyǵyna (CENIPA) berý týraly sheshim qabyldaýy. Bul – Táýelsiz Qazaqstannyń derbes pozıııasy.

Baýyrlas jáne kórshi Ázerbaıjan, Reseı, Qyrǵyzstan jáne Qazaqstan elderiniń arasyndaǵy beıtaraptyqty saqtaý maqsatynda tergeý amaldaryn álem qaýymdastyǵynyń senimin týdyratyndaı maqsatta júrgizý – biz úshin basty orynda ekenin Prezıdentimiz naqty kórsetti.

О́ıtkeni álem kóz tigip otyrǵan osy apat boıynsha tergeýdi ádil jáne ozyq halyqaralyq standarttarǵa saı júrgizý elimizdiń abyroıy men bedeli úshin óte mańyzdy.

Bul – bizdiń irgeli el retindegi buljymas qaǵıdamyz»,– dedi E. Beısenbaev.