قارجى جانە تولەمدەر
دەپۋتات: الاياقتارعا الدانعانداردىڭ نەسيەسى ەسەپتەن شىعارىلۋ كەرەك
فوتو: ستان.كز
الاياقتارعا الدانعانداردىڭ نەسيەسى ەسەپتەن شىعارىلۋى كەرەك ەكەنىن ايتتى ءماجىلىس دەپۋتاتى, – دەپ جازادى qandastar.kz
ءماجىلىس دەپۋتاتى اسحات راحىمجانوۆ دەپۋتاتتىق ساۋالىندا وسىلاي دەدى. بۇعان قوسا, ول ۇكىمەتتەن بانكتەردىڭ الاياقتارعا زاڭسىز نەسيە راسىمدەۋگە قاتىسى بار-جوعىن انىقتاۋدى ۇسىندى. ءارى ازاماتتاردىڭ موينىنا جۇكتەلگەن قارىزدى بانكتەردىڭ ءوز ەسەبىنەن تولەۋدى مىندەتتەۋدى سۇرادى.
ايتا كەتەيىك, وتكەن جىلى قارجى نارىعىن رەتتەۋ جانە دامىتۋ اگەنتتىگى ينتەرنەت الاياقتىق فاكتىلەرىنە قاتىستى دەپۋتاتتىق ساۋالدى قاراعان ەدى. قنردا بانكتەن قارىز جانە ميكروكرەديتتەر الۋدان ەرىكتى تۇردە باس تارتۋدى قامتيتىن تۇزەتۋلەردى ازىرلەدى.
№دس-148 دەپۋتاتتىق ساۋالى ءماجىلىس سايتىندا 2023 جىلدىڭ 10 مامىرىندا جاريالانعان.
بۇگىنگى تاڭدا تسيفرلاندىرۋ مەن قاشىقتان كورسەتىلەتىن قىزمەتتەردىڭ دامۋىمەن بىرگە تۇتىنۋشىلىق كرەديتتەۋ نارىعىندا ازاماتتارعا جالعان قارىزداردى الاياقتىق جولمەن رەسىمدەيتىن الاياقتار دا جاندانعانى اتاپ وتىلەدى.
2022 جىلدان باستاپ اگەنتتىككە جەكە تۇلعالاردىڭ 132 جولدانىمىن جانە ىشكى ىستەر ورگاندارىنىڭ 26 ۇسىنىمىن قوسا العاندا, ءۇشىنشى تۇلعالاردىڭ جالعان ميكروكرەديتتەردى رەسىمدەۋى ماسەلەلەرى بويىنشا 158 جولدانىم كەلىپ تۇسكەن.
اگەنتتىك بارلىق جولدانىم بويىنشا قۇجاتتامالىق تەكسەرۋلەر تاعايىندادى, ولاردىڭ قورىتىندىسى بويىنشا 9 مقۇ (ميكروقارجى ۇيىمدارى) بويىنشا جازباشا نۇسقامالار تۇرىندە شەكتەۋلى ىقپال ەتۋ شارالارى قولدانىلدى.
مقۇ 46 ميكروكرەديت بويىنشا 4,5 ملن تەڭگە سوماعا زاڭسىز بەرەشەكتى ەسەپتەن شىعاردى, سونداي-اق كرەديتتىك تاريحقا تۇزەتۋ جۇرگىزىلدى. 23 ميكروكرەديت بويىنشا تەرگەۋ اياقتالعانعا دەيىن جانە كليەنتتىڭ ميكروكرەديت الماۋ فاكتىسىن راستايتىن سوت شەشىمىن العانعا دەيىن سىياقى ەسەپتەۋ جانە شاعىم-تالاپ جۇمىستارىن جۇرگىزۋ توقتاتىلدى.
