Qarjy jáne tólemder
Depýtat: Alaıaqtarǵa aldanǵandardyń nesıesi esepten shyǵarylý kerek
Foto: Stan.kz
Alaıaqtarǵa aldanǵandardyń nesıesi esepten shyǵarylýy kerek ekenin aıtty Májilis depýtaty, – dep jazady qandastar.kz
Májilis depýtaty Ashat Rahymjanov depýtattyq saýalynda osylaı dedi. Buǵan qosa, ol Úkimetten bankterdiń alaıaqtarǵa zańsyz nesıe rásimdeýge qatysy bar-joǵyn anyqtaýdy usyndy. Ári azamattardyń moınyna júktelgen qaryzdy bankterdiń óz esebinen tóleýdi mindetteýdi surady.
Aıta keteıik, ótken jyly Qarjy naryǵyn retteý jáne damytý agenttigi ınternet alaıaqtyq faktilerine qatysty depýtattyq saýaldy qaraǵan edi. QNRDA bankten qaryz jáne mıkrokredıtter alýdan erikti túrde bas tartýdy qamtıtyn túzetýlerdi ázirledi.
№DS-148 depýtattyq saýaly Májilis saıtynda 2023 jyldyń 10 mamyrynda jarııalanǵan.
Búgingi tańda ıfrlandyrý men qashyqtan kórsetiletin qyzmetterdiń damýymen birge tutynýshylyq kredıtteý naryǵynda azamattarǵa jalǵan qaryzdardy alaıaqtyq jolmen resimdeıtin alaıaqtar da jandanǵany atap ótiledi.
2022 jyldan bastap agenttikke jeke tulǵalardyń 132 joldanymyn jáne ishki ister organdarynyń 26 usynymyn qosa alǵanda, úshinshi tulǵalardyń jalǵan mıkrokredıtterdi resimdeýi máseleleri boıynsha 158 joldanym kelip túsken.
Agenttik barlyq joldanym boıynsha qujattamalyq tekserýler taǵaıyndady, olardyń qorytyndysy boıynsha 9 MQU (mıkroqarjy uıymdary) boıynsha jazbasha nusqamalar túrinde shekteýli yqpal etý sharalary qoldanyldy.
MQU 46 mıkrokredıt boıynsha 4,5 mln teńge somaǵa zańsyz bereshekti esepten shyǵardy, sondaı-aq kredıttik tarıhqa túzetý júrgizildi. 23 mıkrokredıt boıynsha tergeý aıaqtalǵanǵa deıin jáne klıenttiń mıkrokredıt almaý faktisin rastaıtyn sot sheshimin alǵanǵa deıin syıaqy esepteý jáne shaǵym-talap jumystaryn júrgizý toqtatyldy.
