جاڭالىقتار
دەپۋتات: اۋە كومپانيالارىمەن ۇشقان 700 مىڭ جولاۋشىنىڭ دەرەگى تارالعان
فوتو: اشىق دەرەككوز
اۋە كومپانيالارىنان الىنعان بيلەت پەن ونىڭ يەسى تۋرالى جەكە دەرەكتەر تارالدى. بۇل اقپارات ءبىراز بولدى ايتىلىپ جۇرگەنىنە. بۇگىن ماجىلىسمەن ايدوس سارىم وسىعان الاڭداۋشىلىق ءبىلدىرىپ, كولىك جانە تسيفرلىق دامۋ مينيسترلىگىنەن ماسەلەگە قاتىستى قانداي شارا قولدانعانىن سۇرادى, دەپ جازدى qandastar.kz
«پارلامەنت, شوۋ بيزنەس جانە وزگە تانىمال تۇلعالاردىڭ دەرەكتەرى بىرتىندەپ شىعا باستادى. اشىق اقپارات كوزدەرىندە Air Astana, Scat, Qazaq Air جانە Bek Air اۋەكومپانيالارى ارقىلى 2007-2023 جىلدار ارالىعىندا ۇشقان 700 مىڭ ادامنىڭ جەكە دەرەكتەرى ءجۇر» دەگەن دەرەكپەن ءبولىستى ماجىلىسمەن.
ال كولىك ءمينيسترى مارات قاراباەۆتىڭ سوزىنشە, اۋە بيلەتتەرىن ساتىپ الۋعا ارنالعان 8 جۇيە بار. ونىڭ بارلىعى شەتەلدىك كومپانيالار. قازاقستاندىق نارىقتا ورنالاسپاعان.
الەم ەلدەرى سول پلاتفورمالاردى عانا پايدالانادى. سونىڭ بىرەۋىنە حاكەرلىك شابۋىل جاسالعان. جەكە دەرەكتەر سونىڭ كەسىرىنەن تارالعان. تسيفرلىق دامۋى مينيسترلىگى ەشتەڭە ىستەي الماي وتقان كورىنەدى.
