دەپۋتات باقىتجان بازاربەك قازاقستاندىق Aitu مەسسەندجەرىن قولدانۋدان باس تارتتى

فوتو: Stan.kz

ءماجىلىس دەپۋتاتى باقىتجان بازاربەك قازاقستاندىق Aitu مەسسەندجەرىن قولدانۋدان باس تارتتى, دەپ جازدى qandastar.kz

سەبەبىن بۇل ۇكىمەتتىڭ باستاماسى, ءوزىن حالىق قالاۋلىسى بولۋىمەن ءتۇسىندىردى. بۇل تۋرالى Stan.kz اقپارات اگەنتتىگى حابارلايدى

ايتۋىنشا, دەپۋتاتتاردى «ەشكىم Aitu قوسىمشاسىن قولدانۋعا مىندەتتەمەگەن».

«ەشكىم ەشكىمدى بۇل قوسىمشانى قولدانۋعا مىندەتتەي المايدى. حالىق سايلاعان ءبىزدى حالىقتان جانە ءماجىلىس سپيكەرىنەن باسقا ەشكىم ءبىر نارسە ىستەۋگە مىندەتتەي المايدى. ەگەر ۇكىمەتتە قانداي دا ءبىر قوسىمشا ازىرلەنسە, ۇكىمەت جانە مينيسترلىكتەردىڭ مۇشەلەرىن عانا مىندەتتەي الادى», — دەدى بازاربەك پارلامەنت پالاتالارىنىڭ بىرلەسكەن وتىرىسىنان كەيىن كۋلۋاردا.

تسيفرلىق دامۋ ۆيتسە-ءمينيسترى روستيسلاۆ كونياشكين Aitu-عا كوشەر الدىندا مينيسترلىك باسقا دا مەسسەندجەرلەر مەن الاڭداردى زەردەلەگەنىن اتاپ ايتتى.

«مەملەكەتتىك كوممۋنيكاتسيا سالاسىندا سەرۆەرلەرى ەلىمىزدىڭ اۋماعىندا ورنالاسقان ونىمدەر مەن جۇيەلەردى پايدالانۋ – بۇل جاڭا تالاپ ەمەس. Aitu قاىزرگى ۋاقىتتا  — كوممۋكاتسيادا قولدانۋعا بولاتىن جالعىز پلاتفورما ەكەنىن ايتا الامىز», — دەدى ۆيتسە-مينيستر.

Aitu ۇلتتىق مەسسەندجەرى تۋرالى نە بەلگىلى

Aitu – قازاقستاندىق تەگىن جەدەل حابار الماسۋ سەرۆيسى. 2018 جىلى ىسكە قوسىلعان. ول پايدالانۋشىلارعا ماتىندىك جانە داۋىستىق حابارلامالار الماسۋعا, داۋىس جانە بەينەقوڭىراۋلار جاساۋعا, سۋرەتتەر, قۇجاتتار, گەولوكاتسيا جانە باسقا دا دەرەكتەر جىبەرۋگە مۇمكىندىك بەرەدى. پلاتفورمادا كوپتەگەن ويىن-ساۋىق كونتەنتتەرى بار. ماسەلەن, تانىمال قازاقستاندىق «Salem Social Media» ستۋدياسى Aitu-عا وز سەريالدارىن جۇكتەگەن.