Depýtat: Bilim berý salasynda 303 qylmystyq is tirkelgen

Foto:parlament

Májilis depýtaty Temir Qyryqbaev mynadaı derekpen bólisti, dep jazady qandastar.kz.

Sybaılas jemqorlyqqa qarsy is-qımyl agenttiginiń málimeti boıynsha, 2023 jyldyń basynan beri bilim berý salasynda 303 qylmystyq is tirkelip, ol jalpy shyǵyn 17,5 mlrd teńgeni quraǵan.

Qarjyny kóp jymqyrǵan faktiler Jetisý, Túrkistan, Qyzylorda, Almaty oblysynda jáne Almaty qalasynda anyqtalǵan. Bul aımaqtarda qarjylyq baqylaýdyń álsizdigi baıqalady. Derekti tereń taldaıtyn bolsaq, 249 adam jaýapkershilikke tartylǵan. Olardyń arasynda 10 bilim bóliminiń basshysy, 2 kolledj dırektory, 28 mektep dırektory, 21 balabaqsha basshysy jáne 136 esepshi bar, — dedi Temir Qyryqbaev.

Onyń sózinshe, pedagogıkalyq kadrdy irikteýdiń jańa erejesi engizilgenine qaramastan, burynǵy zańsyzdyqtardy aınalyp ótý jáne jemqorlyq táýekelin týdyrý múmkindigi saqtalyp otyr.

Halyq arasynda mektepke jumysqa ornalasý úshin dırektorǵa nemese basqarma qyzmetkerine «zańsyz syıaqy» berý qajet degen qaýeset jeldeı esip júr.

О́ıtkeni ońtústik óńirde jumyssyzdyq statıstıkada kórsetilgennen álde qaıda joǵary. Aýyldyq jerlerde mektep, balabaqsha, klýb úıinen basqa jumys kózi tapshy. Sondyqtan muǵalim bolýǵa talpynatyndar tym kóp. Tipti laborant nemese tehnıkalyq qyzmetker bolý úshin de zańsyz aqsha berý jaǵdaılary kezdesedi. Sonymen qatar qyzmetkerlerdiń jumystan shyqpaý úshin jalaqysynyń bir bóligin berý faktileri týraly da aıtylyp júr, — dedi Qyryqbaev.

Depýtat mynadaı usynys aıtty:
1) «Elektrondyq mektep» syndy elektrondyq júıelerdi engizip, bilim berý salasyndaǵy kadrlardy basqarýdyń biryńǵaı elektrondyq bazasyn qurýdy tezdetý;
2) Jumysqa ornalasý proesiniń ashyqtyǵyn qamtamasyz etip, pedagogıkalyq kadrlardy irikteýdiń ashyq jáne ádil júıesin qamtamasyz etý;
3) Qoǵamdyq baqylaýdy kúsheıtý mańyzdy. Iaǵnı ata-analar komıteti jáne basqa qoǵamdyq uıymdardyń bilim berý proesine jáne qarjylyq qyzmetke qatysýyn keńeıtý.