ءبىلىم
دەپۋتات ءبىلىم سالاسىندا وزگەرىستەر بولاتىنىن ايتتى
فوتو: ۆلاديميرا ترەتياكوۆ
ءماجىلىس دەپۋتاتى اسحات ايماعامبەتوۆ ءبىلىم بەرۋ سالاسىندا وزگەرىستەر بولاتىنىن ايتتى, دەپ حابارلايدى qandastar.kz
وتكەن جىلى ەڭ بەدەلدى حالىقارالىق عىلىمي بايقاۋلاردىڭ جەڭىمپازدارىنا ۇبت تاپسىرماي-اق مەملەكەتتىك گرانتپەن وقۋعا تۇسۋگە مۇمكىندىك بەرۋ جونىندە ارنايى زاڭ قابىلدادىق. وعان قوسا «بولاشاق» باعدارلاماسى اياسىندا باكالاۆريات دەڭگەيىندە شەتەلدىڭ وزىق ۋنيۆەرسيتەتتەرىنە ءتۇسۋ قۇقىعىن بەردىك. مەملەكەت باسشىسى دارىندى بالالاردى قولداۋ جونىندە ءتيىستى تاپسىرما بەرگەن بولاتىن, مىنە سول تاپسىرما اياسىندا جۇمىسىمىز ءجۇرىپ جاتىر, — دەيدى دەپۋتات.
ەندى دەپۋتاتتار دايىنداعان زاڭ اياسىندا دارىندى بالالارعا جانە ولاردى دايىنداعان ۇستازدارعا بىررەتتىك سىياقى بەرىلەتىن بولدى.
بۇگىن ۇسىنىلىپ وتىرعان زاڭ جوباسىندا دارىندى جانە ولاردى دايىنداعان ۇستازدارعا بىررەتتىك سىياقى بەرۋ تۋرالى نورما ەنگىزىلىپ وتىر. ءبىزدىڭ ويىمىزشا, بۇل — وتە ماڭىزدى نورما. ويتكەنى بۇل شارا جاستاردىڭ عىلىمي الەۋەتىن دامىتۋعا جانە تالانتتى وقۋشىلاردى ىنتالاندىرۋ ءۇشىن ماڭىزدى شارانىڭ ءبىرى. مۇنداي كونكۋرستاردىڭ جەڭىمپازدارىنا ارنالعان ەڭ جوعارى تولەم مولشەرى 6 ميلليون تەڭگە شاماسىندا بولادى. سونىمەن قاتار وسى بالالاردى دايىنداعان پەداگوگتاردى دا ىنتالاندىرۋ ۇسىنىلۋدا, — دەدى اسحات ايماعامبەتوۆ.
