Depýtat: Biz órkendep jatqan salaǵa kómektesýdiń ornyna bankrot bolyp jatqan jerge aqsha quıamyz

Foto: parlam.kz

Depýtat Maqsat Tolyqbaı «Qasqa Jol» YouTube arnasynda qonaqta bolyp, bıýdjet qarajatyn bólý týraly suraqtarǵa jaýap berdi, – dep jazady qandastar.kz

Maqsat Tolyqbaıdyń sózinshe, bizdiń Úkimet bjdjetti durys josparlaýdy bilmeıdi.

«Bıýdjetti bólý jospary bir jylǵa, eki jylǵa, úsh jylǵa dep bólinedi. Kelesi jylǵa bóliný kerek qarjynyń barlyǵyn jınaqtap bizge alyp keledi. Osy jerde bizdiń kemshin tusymyz durys josparlaýdyń joqtyǵy. Biz qazir qaryzǵa ómir súrip jatyrmyz. Bıýdjet tapshylyǵyn jabý úshin Úkimet jaqynda 3 trln qaryz aldy. Onyń 600 mıllıardyn Japonııadan alyp jatyr. Odan bólek, Ulttyq qordan 5,6 trln teńge, «Qazatomprom» arqyly 1 trln teńge, kelesi jyly taǵy Ulttyq qordan 5,6 trln teńge qaryz almaq. Sonda eki jylda bolashaqtyń kapıtaly dep jınap qoıǵan Ulttyq qordan 24 mıllıard dollar aqsha alynbaq. Sol úshin Úkimet durys josparlaýdy úırený kerek. Josparlaıdy, aqsha jetpeı qalady. Japonııadan 0,5 paıyzben alyp otyrmyz, dep aıtady. Biraq qaryz maqtanatyn dúnıe emes. Qarjy mınıstrliginde jap-jas jigitter, jaýapkershilikti eshkim almaıdy. Qazir men bankten nesıe alyp ýaqytynda tóleı almasam meniń úıim men kóligimdi tartyp alady. Eshkim jaýap bermeıdi, eshkim sógis almaıdy. Bizge jaýapkershilikti kúsheıtý kerek. Dollardyń baǵamy, munaı baǵasy basqa da ózgeristerdi eskere otyryp jospar qurýǵa bolady. Ony da jasaı almaıdy. Aınalyp kelip qaryz ala beredi. Bizde qazir shyǵys kóp, kiris az. Ulttyq qordaǵy aqshany talan-tarajǵa salatyn bolsaq, bolashaq urpaqqa ne qalady? Bizdiń bıýdjet negizi salyqtan turady. Osy jyly 3 trln salyq túsýi kerek bolǵan. Ol da túspedi, ony da eshkimnen suramaıdy. Artyq shyǵyndardy, konferenııalar men keregi joq jobalardy ótkizýdi de toqtatý kerek. Biz órkendep jatqan salaǵa kómektesýdiń ornyna bankrot bolyp jatqan jerge aqsha quıamyz. Mundaı jaǵdaıda damýdyń joly qıyn. Ekonomıkada da erkindik bolý kerek», – deıdi depýtat.