جاڭالىقتار
دەپۋتات داۋلەت مۇقاەۆ جالعان اقپارات ءۇشىن كەشىرىم سۇرادى
قازاقستان پارلامەنتى ءماجىلىسىنىڭ دەپۋتاتى داۋلەت مۇقاەۆ سارا نازارباەۆانىڭ قايتىس بولعانى جونىندە جالعان اقپارات تاراتقانى ءۇشىن كەشىرىم سۇراپ, تۇسىنىستىكپەن قاراۋدى ءوتىندى, دەپ حابارلايدى qandastar.kz.
«بىرىنشىدەن كەشىرىم سۇرايمىن. مەنىڭ الەۋمەتتىك جەلىلەرىمدى كومەكشى بالالار جۇرگىزەدى. بالالار جالعان اقپارات سالىپ, كەيىن ونى ءوشىردى. ولار وزگە الەۋمەتتىك جەلىدە شىققان ماتەريالدى كوشىرىپ سالعان. بۇل جايتقا قاتىستى ءوزىم دە جەكە كەشىرىم سۇرايمىن», — دەپ قۇتىلدى دەپۋتات.
بۇل مالىمەت قوعام مەن بۇقارالىق اقپارات قۇرالدارىندا ۇلكەن دۇربەلەڭ تۋعىزدى. ەگەر ول جاۋاپكەرشىلىككە تارتىلماسا, وندا نەگە جۋرناليستەر مەن بلوگەرلەر مۇنداي جاعدايلاردا جازالانادى دەگەن سۇراق تۋىندايدى – نە بارىنە بىردەي تالاپ قويىلۋى كەرەك, نە بۇل – «باسقا جاعداي» بولىپ وتىر.
