Depýtat Dáýlet Muqaevtyń anasy qaıtys boldy

Foto: ashyq derekkóz

Depýtat, tanymal bloger Dáýlet Muqaevtyń anasy qaıtys boldy, – dep habarlaıdy Massaget.kz tilshisi.

Bul qaıǵyly jańalyqty jýrnalıst Dana Nurjigit jetkizdi.

«Dáýletjan, aınalaıyn! Keshe ǵana sóılesip, jaǵdaıyńdy bilip otyrǵan edim. «Kúlekeńniń densaýlyǵy ońalyp kele jatyr ma?» dep, eń bolmasa jyltyraǵan úmit bar ma dep edim… Qaıteıin?! Taǵdyr basqalaı boldy. Ersiń be, áıelsiń be, jassyń ba, kárisiń be, han bol, qara bol, ananyń orny bárinen bıik, bárinen bólek, bárinen erek. Kúlekeń men Tóleýtaı ákeńdi sonaý «kóshbasshyǵa» ózińe jankúıer bolyp, stýdııaǵa kelip júrgen kezinen bilem ǵoı. Balasy úshin quraq ushqan ata-ana. Qudaı bergen ul-qyzyna bárin sarqyp bergen jankeshti adamdar. Qarapaıym qazaq. Kúlekeń – meıirbıke, Tóleýtaı ákeı – sol aýrýhanada usta. Eki balany jetkizip, Semeıden Astanaǵa kóship kelip, endi qulashyn keńge jaıyp, nemeresin meıirlene súıip otyratyn kezde… Qap,qap! Tókeńe qaıǵyryp kóńil aıtamyn! Jarasyp ómir súrgen jubynan qapyda aıyrylý jan azabynyń eń aýyry. Dáýke, Laýra, Arýka, týǵan-týys, dos baýyrǵa qaıǵyra kóńil aıtamyn! Sabyr…», – dep jazǵan ol.