Depýtat Edil Jańbyrshın qyz alyp qashý máselesin kóterdi

Foto: ashyq derekkóz

Búgingi Májilis otyrysynda bir top depýtat qyz alyp qashý máselesin kóterdi, dep habarlaıdy qandastar.kz

Depýtat Murat Ábenov sahnada aıtylyp júrgen ánderdi synap, olardyń mátininde qyz alyp qashý dáriptelip jatqanyn málimdedi.

«О́tken aptada Astanada bir ýnıversıtet stýdentterimen kezdestim. …Qyz balalar maǵan bir rolık kórsetti. Qyz balany alyp qashqan. Qasynda bireý kóndirip, «óz erkimmen keldim dep jaz» dep aıtyp otyr. TikTok-ta tur. Barlyǵy mazaq qylyp, sony aıtyp jatyr. Quqyqbuzýshylyq. Naǵyz zańbuzýshylyq.

Belgili ánshiler sahnada osylaı án aıtyp jatyr: «Alyp qashamyn, meıli olaı qalama. Kelin qylamyn, seni qalaı da anama» deıdi. Ekinshi ánshi aıtady. «Kóresiń, meniń úıime barasyń, basyńa appaq oramal taǵasyń, kóndiremin, kónesiń. Qyz bolyp kelesiń, kelin bolyp qalasyń» deıdi. Mine, májbúrleý. Sony teledıdardan nasıhattap, kórsetip jatyrmyz», — dedi ol.

Májilis depýtaty Edil Jańbyrshın de bul másele keleke qylatyn, kúletin nárse emes ekenin aıtty.

«Bárimiz de qyz asyrap otyrmyz. Ol — etek alyp ketken jaǵdaı. HHI ǵasyrda áke-sheshesimen kelispeı, qyzben sóz baılaspaı, kósheden kóringen adamdy salyp alý taýar emes, zat emes, ol adam ǵoı. Onyń taǵdyryna áser etedi. Bul zań aıasynda qaralatyn nárse emes shyǵar, biraq Parlamenttiń tórinde qoǵamdaǵy kez kelgen ózekti másele talqylanýy kerek dep Prezıdent aıtqan joq pa? Jigitterdi túsinbeımin. Qyzdyń kóńilin taba almaıtyn jigit ne qylǵan jigit?! Kóshege baryp, qyzdy búktep-búktep salyp alady degen… Meniń úsh qyzym bar. Aldynan ótip, sóz baılasyp, quda túsip alǵandy bárimiz de jaqsy kóremiz. Mynaý — qoǵamdaǵy úlken dert. Qylmystyq jaýapkershilik qarastyrylýy kerek» — dedi ol.