دەپۋتات: «قازاقمىس» ۇشاق ساتىپ العانشا, ءوندىرىستىڭ قاۋىپسىزدىگىن قامتاماسىز ەتپەي مە?

فوتو:ru.sputnik.kz

«قازاقمىس» كورپوراتسياسىنا قاراستى «جومارت» كەنىشىندەگى اپاتتان 7 شاحتەر قازا تاپتى, ولاردى قۇتقارۋ مۇمكىن بولمادى. مارقۇمداردىڭ دەنەسى ءۇيىندى استىنان تابىلىپ, 1500 مەتردەن جەر بەتىنە شىعارىلدى. پوليتسيا مايىتتەردى سوت-مەديتسينالىق ساراپتاماعا تاپسىردى. الدىن الا دەرەك بويىنشا, توتەنشە جاعدايعا تابيعي گازدىڭ جارىلىسى سەبەپ بولىپ, جەر وپىرىلعان. وقيعاعا بايلانىستى قىلمىستىق ءىس قوزعالدى. «جومارت» كەنىشى جەزقازعاننان وڭتۇستىك-شىعىسقا قاراي 130 شاقىرىم جەردە ورنالاسقان. وندا مىس ءسۋلفيدى وندىرىلەدى, دەكپ جازدى qandastar.kz

ءوز كەزەگىندە دەپۋتات ەرلان سايىروۆ تۇنەۋكۇنى سۋ جاڭا ۇشاق ساتىپ العان كومپانيا اكتسيونەرلەرىن سىنعا الدى. «قازاقمىس» ۇشاق ساتىپ العانشا, ءوندىرىستىڭ قاۋىپسىزدىگىن قامتاماسىز ەتپەي مە? وليگارحتار قازاقستاننىڭ ورنى تولمايتىن رەسۋرستارىن ەكسپلۋاتاتسيا جاساپ جاتىر. ولاردىڭ ءبىزدىڭ حالقىمىزدىڭ ءومىرى مەن دەنساۋلىعى ءۇشىن جاۋاپكەرشىلىگى جوعارى بولۋى كەرەك», — دەيدى سايىروۆ. ايتا كەتەيىك, جۋىردا «قازاقمىس» كومپانياسى بيزنەس-دجەت ساتىپ الدى دەگەن جاڭالىق تاراعان. كەي اقپارات كوزدەرى كورپوراتسيانىڭ ۇشاقتى ەكس-پرەزيدەنت نازارباەۆقا سىيعا تارتقانىن جازعان ەدى.