Depýtat qazaqstandyqtardyń kitap oqýǵa qansha ýaqyt jumsaıtynyn aıtty

Foto: ashyq derekkóz

Májilis depýtaty, «AMANAT» partııasy frakııasynyń múshesi Nursultan Baıtilesov qazaqstandyq oqýshylardyń oqý saýaty tómendegenine qatysty alańdaýshylyǵyn bildirdi. Depýtat elimizde kitap oqý mádenıetin damytý qajet ekenin aıtyp, Premer-Mınıstrdiń orynbasary Ermek Kósherbaevqa saýal joldady, – dep habarlaıdy qandastar.kz

Májilis depýtaty adamı kapıtaldy damytý jolynda kitap oqý mádenıetin damytý strategııalyq basymdyq ekenin aıtyp, osy baǵytta tıimdi saıasat júrgizip kele jatqan elderdi mysalǵa keltirdi.

– 2024 jyly eń kóp kitap oqıtyn memleketter qatarynda AQSh, Ulybrıtanııa, Franııa jáne Italııa bar. Azııada qytaılyqtar jylyna 154 saǵat, japondar 135 saǵat, koreıler 125 saǵat kitap oqýǵa arnaıdy eken. Qazaqstanda bul kórsetkish – nebári 65 saǵat, – dep naqtylady depýtat.

Baıtilesovtiń aıtýynsha, PIRLS-2021 halyqaralyq zertteýinde qazaqstandyq oqýshylardyń oqý saýaty ortasha deńgeıde bolǵanymen, 2016 jylmen salystyrǵanda 32 balǵa tómendegen.

– Munyń sebepteri – qyzyǵýshylyq is-sharalardyń az uıymdastyrylýy jáne ıfrlyq dáýirdiń yqpaly. Qysqasha formattaǵy kontentke úırengen kópshilik ınternette orta eseppen nebári 55 sekýnd qana oqýǵa ýaqyt bóledi. Bul tereń oılaý men bilimdi damytýǵa jetkiliksiz.

Elimizdegi kitaphanalardyń jaı-kúıi de ózekti másele kúıinde qalyp otyr. Materıaldyq-tehnıkalyq baza men kitap qorlary jańartýdy qajet etedi, al zamanaýı formattaǵy kitaphanalar – sanaýly. Kóp jerde oqyrmandar úshin jaıly orta, koýorkıng aımaqtary men ıfrlyq qyzmetter jetkiliksiz, – dep qosty Nursultan Baıtilesov.

Osy rette depýtat birqatar damyǵan elderdiń tájirıbesine toqtalyp, Qazaqstanda da uqsas formattaǵy sabaqtar men dástúrlerdi engizý qajet ekeni aıtty.

Májilis depýtaty elimizde kitapqa qyzyǵýshylyq mádenıetin damytý maqsatynda mynadaı sharalardy usyndy:

• Birinshiden, barlyq oqý oryndarynda ǵylymı negizdelgen oqý ádisterin engizip, tıimdi kitap oqý tásilderin nasıhattaıtyn resýrstardy damytý.
• Ekinshiden, kitaphanalar jelisin jańǵyrtyp, zamanaýı ınfraqurylym qalyptastyryp, turaqty túrde «Kitap aptalyǵy», «Bir el – bir kitap» sııaqty jobalardy ótkizý arqyly eldiń nazaryn kitap oqýǵa aýdarý kerek.
• Úshinshiden, jergilikti deńgeıinde turǵyndar arasynda oqý saıystaryn, ádebı baıqaýlar uıymdastyryp, oqýshylar men eresekterdiń qyzyǵýshylyǵyn arttyrý qajet.

– Prezıdent Qasym-Jomart Toqaevtyń: «Ozyq oıly ult bolýdyń eń tóte joly – kitap oqý» degen sózin eskere otyryp, kitap oqý mádenıetin ulttyq deńgeıde qoldaýdyń jańa modelin qalyptastyrý kerek dep esepteımin, – dedi depýtat.

Sóz sońynda Nursultan Baıtilesov usynystardy qarastyryp, kitap oqý mádenıetin damytý boıynsha naqty sharalar qabyldaýdy surady.