دەپۋتات قوعامنىڭ بولاشاعىنا الاڭدايتىنىن ايتتى

فوتو: اشىق دەرەككوز

ءماجىلىس دەپۋتاتى رينات زايىتوۆ قازاق قوعامىنىڭ بولاشاعى الاڭداتاتىنىن ايتىپ, ۇسىنىس جاسادى, دەپ حابارلايدى qandastar.kz

30 جىلدا كەتكەن كەمىستىكتەرگە نازار اۋدارماساق, ەرتەڭىمىزگە اپات بولىپ كەلۋى ابدەن مۇمكىن. وكىنىشكە قاراي, قازىرگى قازاق قوعامى وتە ۇلكەن جىلدامدىقپەن رۋحاني داعدارىسقا ۇشىراپ بارادى. كۇن سايىن ەلىمىزدىڭ ءار تۇپكىرىندە ءبىر وتباسى بۇزىلىپ, ءبىر وقۋشى ءزابىر كورىپ, ءبىر ادام كىسى قولىنان قازا تاۋىپ, بىرەۋ پارا الىپ, بىرەۋ وزىنە قول جۇمساپ, بىرەۋ الاياققا جەم بولىپ جاتادى. مۇنداي مىسالدار تاۋسىلمايدى. بۇگىنگى قازاق قوعامى تۋعانعا تاسباۋىر, جاقىنعا جاۋ, دوسىنا دۇشپان بولىپ كەتتى, — دەپ ايتتى زايىتوۆ.
دەپۋتات وزىمشىلدىك پەن مەنمەندىك قوعامنىڭ باستى ىندەتى بولىپ تۇرعانىن جەتكىزدى.

بۇگىن ويلانباساق, ەرتەڭ كەش بولماق. سوندىقتان, كەشىكتىرمەي يدەولوگيالىق تاربيە جۇمىسىن كۇشەيتۋدى باستاۋ كەرەك, — دەپ ەسەپتەيدى ول.