Depýtat: Quryltaıda el damýyna baǵyttalǵan usynystar qaraldy

Ulttyq quryltaıdyń alǵashqy otyrysynda qabyldanǵan eń mańyzdy sheshim — 25 qazan Respýblıka kúnine ulttyq mereke mártebesin qaıtarý boldy. Respýblıka kúni jaı ǵana data emes, Memleket basshysy atap ótkendeı bul kún — biregeıligimizdi qalyptastyryp, birligimizdi nyǵaıtatyn ortaq tarıhymyzdy, dástúrlerimizdi jáne mádenıetimizdi eske salady. Túrkistan jerinde ótken ekinshi jıynda Prezıdent Ádiletti Qazaqstandy Adal azamattar qurady, «Ádiletti Qazaqstan – Adal azamat» uǵymdary el tiregi bolatyn egiz qundylyq retinde árdaıym qatar turýǵa tıis dep atap ótti.

Al Atyraýda ótken quryltaıdyń úshinshi otyrysynda Memleket basshysy Qazaqstannyń turaqty damýyna negiz bolatyn: Táýelsizdik jáne Otanshyldyq, Birlik jáne Yntymaq, Ádildik jáne Jaýapkershilik, Zań jáne Tártip, Eńbekqorlyq jáne Kásibı biliktilik, Jasampazdyq jáne Jańashyldyq sekildi jalpyulttyq qundylyqtardy nazarǵa qoıdy. Sondaı-aq Ulttyq quryltaıdyń úshinshi otyrysynyń qorytyndysy boıynsha 10 zań jobasyna bastamashylyq jasaldy, onyń ishinde 9 zań qabyldandy. Olar áıelderdiń quqyqtaryn jáne balalardyń qaýipsizdigin qamtamasyz etý máseleleri, veıpke tyıym salý, memlekettik nagradalar týraly, onomastıka máseleleri, rámizderdiń biryńǵaı standarty máselesi, oıyn bıznesi, lotereıa jáne lotereıa qyzmeti máseleleri, vandalızm jáne tabıǵı obektilerdi qorǵaý jónindegi túzetýler, qurmetti ataqtar boıynsha, esirtki óndirý men satý úshin jazany kúsheıtýge baǵyttalǵan túzetýlerdi qamtydy, al arheologııa salasy boıynsha zań jobasy Parlament Májilisiniń jumysynda.

Ulttyq quryltaı — qoǵam men bılik arasyndaǵy tikeleı dıalog alańy, onymen qosa mańyzdy memlekettik máselelerdi talqylaýǵa, qoǵamnyń ártúrli toptarynyń pikirlerin eskerýge, eldiń damýyna baǵyttalǵan usynystardy qalyptastyrýǵa arnalǵan biregeı qurylym bolyp tabylady.