الەۋمەت جانە قوعام
دەپۋتات قىزىلوردادا اۋىر جۇمىسقا جەگىلگەن قونىسقا بارعانىن جازدى
فوتو: الاش كوللاج
الەۋمەتتىك جەلىدە قازالىلىق قونىستىڭ ورىنداعان ءانى رەسەي, قىرعىزستان, وزبەكستان مەن قاراقالپاقستانعا دەيىن تاراپ ۇلگەرگەنى جازىلىپ جاتىر. كوپشىلىك حابارلاعانداي, قونىس قيىن حالگە تۇسكەن. بۇگىن پارلامەنت ءماجىلىسىنىڭ دەپۋتاتى ايداربەك قوجانازاروۆ ءوز پاراقشاسىندا قونىستىڭ ماسەلەسى بويىنشا قازالىعا بارعانىن ايتتى, دەپ جازادى qandastar.kz
ايداربەك قوجانازاروۆ بىلاي دەيدى:
بەيرەسمي مالىمەتتەرگە سۇيەنسەك, بالا ۇزاق جىلدار بويى اۋىر جۇمىسقا تارتىلعان. جالعىز بالا ەمەس, بالانىڭ اتا-اناسى دا مال باعىپ, اقىسىز ەڭبەك ەتكەن… ەڭ قىزىعى, وسى بالاعا جانە وتباسىنا راببيل ەسىمدى جىگىت كومەكتەسكەن. ءبارى جاقسى بولادى, اعايىن! – دەپ جازبا قالدىردى دەپۋتات.
قازىرگى بەلگىلى بولعان اقپاراتتارعا قاراعاندا, قونىستى اتا اناسىمەن بىرگە ۇزاق جىلدار بويى مال سوڭىنا سالىپ قويعان. بالا وقىماعان, ۇنەمى تاياق جەگەن. دەپۋتات قونىستى قور قىلعانداردىڭ ءىسى بويىنشا قازالىعا بارىپ قايتقان.
