Depýtat Lázzat Asanovaǵa “Halyq qaharmany” ataǵyn berý týraly usynys aıtty

Foto: Alash.kz

Májilis depýtaty, Respublica partııasynyń tóraǵasy Aıdarbek Qojanazarov Jeltoqsan kóterilisinde kóz jumǵan qazaqtyń batyr qyzy Lıazzat Asanovaǵa «Halyq qaharmany» ataǵyn berý týraly usynys aıtty, dep  habarlady qandastar.kz Alash.kz ulttyq portalyna silteme jasap.

«Qurmetti aǵaıyn, sizdermen Táýelsizdik kúni qarsańynda kópten beri oıymda júrgen bir áńgimeni bólissem deımin.

“Halyq qaharmany” degen ataq elimizdiń bostandyǵy men táýelsizdigi jolyndaǵy erligi úshin beriletin eń joǵarǵy marapat. Egemendik alǵaly bul ataqty 36 adamǵa tabystappyz. Biraq sonyń tek 2-i áıel kisi eken. Birinshisi Hıýaz Dospanova. Ekinshisi Roza Baǵlanova…

Aıtaıyn degenim, men 1986 jyly namystyń týyn jelbiretip, keıin jumbaq jaǵdaıda kóz jumǵan Lázzat Asanovaǵa “Halyq qaharmany” ataǵyn beretin ýaqyt keldi dep oılaımyn.

Bul másele buǵan deıin birneshe ret aıtyldy. Lázzattyń anasy marqum Altynaı apaı da osy týraly kóp aıtty. Átteń, biraq qoly jetpedi. Týrasyn aıtsaq, qazaq halqy Lázzat Asanovaǵa batyr degen ataqty baıaǵyda berip tastaǵan. Endi muny qujatpen bekitip, núktesin qoıatyn kez jetti ǵoı deımin. Bul máseleni aıaqsyz qaldyrmaý tarıh aldyndaǵy bárimizdiń boryshymyz. Al ony resmı túrde jarııalaý keleshek urpaq úshin tárbıe-ónege, óz elin súıip, qurmetteýdiń asqan úlgisi bolar edi. Qoldaısyz ba?», — dep jazdy Aıdarbek Qojanazarov.