دەپۋتات ءمامس توڭىرەگىندەگى ويىن ءبولىستى

فوتو: اشىق دەرەككوز

ءماجىلىس دەپۋتاتى اسحات ايماعامبەتوۆ ءمامس جۇيەسى تۋرالى ويىن ايتتى, دەپ حابارلايدى qandastar.kz

دەپۋتات اتاپ وتكەندەي, ءمامس جۇيەسىندە ءاربىر ازامات اي سايىن جالاقىسىنان 2% جارنا تولەيدى.

جۇمىس بەرۋشى دە ءار قىزمەتكەرى ءۇشىن قوسىمشا 3% اۋدارادى. بۇدان بولەك, 15 ساناتتاعى ازاماتتار بار: زەينەتكەرلەر, بالالار, ستۋدەنتتەر جانە تاعى باسقالار. ولار ءۇشىن جارنانى مەملەكەت تولەۋى ءتيىس. زاڭ بويىنشا — ورتاشا جالاقىنىڭ 2%-ى كولەمىندە.

ال ءىس جۇزىندە نە بولىپ جاتىر? ازاماتتار مەن جۇمىس بەرۋشىلەر جارنانى ۋاقتىلى تولەيدى. تولەمەسە — بىردەن جۇيەدەن شىعارىلادى, مەديتسينالىق كومەك توقتايدى. • ال مەملەكەت شە? قارجى مينيسترلىگى جارنانى ورتاشا ەمەس, مەدياندىق جالاقىدان ەسەپتەيدى. بۇل — زاڭ بۇزۋشىلىق. ورتا ەسەپپەن جۇيە جىل سايىن 250 ملرد تەڭگە جوعالتادى. 2024 جىلى ءتىپتى وسى ازايتىلعان جارنانىڭ جارتىسى عانا تولەنگەن. سونىڭ سالدارىنان دەنساۋلىق ساقتاۋ جۇيەسى 2024 جىلى 500 ملرد تەڭگەدەن استام قاراجاتتان قاعىلدى, — دەدى ايماعامبەتوۆ.

بۇل جاي عانا سان ەمەس. وسى قاراجاتتىڭ تۇسپەۋىنە بايلانىستى:

• ەمحانالارداعى ۇزىن-سونار كەزەكتەر,

• قولجەتىمسىز اناليزدەر مەن ءدارى-دارمەك,

• جانە ۋاقىتىندا كومەك الا الماعان مىڭداعان ادام.

سوندا قالاي بولادى? ازامات تولەمەسە — جۇيەدەن شىعارىلادى. ال مەملەكەت تولەمەسە — ەشتەڭە بولمايدى. ەشكىم جاۋاپ بەرمەيدى. زاڭ بارىنە ورتاق بولۋى كەرەك, — دەپ ايتتى دەپۋتات.