Depýtat marqum Berdibek Saparbaev týraly pikir bildirdi

Foto: ashyq derekkóz

Májilis depýtaty Ulyqbek Tumashınov «Adal Adam» youtube-arnasyna bergen suhbatynda marqum, memleket jáne qoǵam qaıratkeri Berdibek Saparbaev týraly pikir bildirdi. Depýtat Berdibek Máshbekulynyń Shyǵys Qazaqstan oblysyna ákim bolǵan tusta atqarǵan jumysy týraly oı bólisken. Ásirese, tótenshe jaǵdaı kezindegi áreketin erekshe atady, dep jazdy qandastar.kz

«Berdibek Máshbekuly Shyǵys Qazaqstan oblysyn basqarǵan sátte ol kisiniń mentalıteti bizdiń eldiń minez-qulqyna sáıkes kelmegeni ras. Ol kisi qazaqy, biz «orysshalaý» óskenbiz. Alǵashqy kezde túsinbeýshilik boldy, biraq keıin ol kisi óte jaqsy qyzmet atqardy. Mysaly, kóktemgi sý tasqynynan eki aýyldy sý basyp qalǵan edi. Sol kezde jyldam áreket jasady. Túnde sýǵa ketken aýylǵa tańerteń tikushaqpen baryp, bárimizge jaýapty mindet júktegeni este. Aýyl turǵyndary úshin qaýipsiz aımaqtan birimizge mektep salýdy, birimizge úı salýdy tapsyrdy. 6 aıdyń ishinde turǵyndary úshin jańa eldi mekenniń qurylysy aıaqtalyp, ınfraqurylymyn, áleýmettik nysandaryn tolyq bitken bolatyn», — dedi ol.

Sondaı-aq suhbat barysynda Saparbaevtyń О́skemen qalasyn qazaqylandyrýǵa qosqan úlesi de aıtylǵan.

«Rasyn aıtqanda, О́skemen qalasyn qazaqylandyrǵan Berdibek Máshbekuly. Tipti ákimshilik aldyndaǵy Lenın eskertkishin alyp tastap, ornyna hákim Abaıdyń eskertkishin qoıdy. 60 paıyzdaı basqa ult ókilderi turatyn óńirde mundaı sheshim shyǵarý ońaı emes», — dedi Ulyqbek Shabdanuly.