Depýtat mektep baǵdarlamasynyń tym aýyr ekenin aıtty

Foto: Pixabay

Qazaqstandyq oqýshylarǵa shamadan tys kóp oqý mindettelgen. Bul týraly senat depýtaty Altynbek Nýhuly aıtty, dep habarlaıdy Qazaq Today aqparat agenttigi Stan.kz — ke silteme jasap. 

Sonymen qatar, ol oqýlyqtar oqýshyǵa túsinýge qıyn ǵylymı tilde jazylatynyn aıtady.

Senatordyń sózinshe, bilim sapasy jaǵynan alǵa ketken Japonııa, Ońtústik Koreıa, Fınlıandııa jáne Kanada sııaqty elderde 7-8 synypta naqty ǵylymǵa qatysty 4-6 pán oqıdy, al Qazaqstanda 15 pán, al 9 synypta tipti 16 pán oqytylady. Al bizde mindetti oqý pánderiniń sany 2,5 ese kóp.

Sonymen qatar, hımııa, bıologııa jáne geografııa sııaqty oqý pánderi sheteldiń mektebinde bir «Ǵylym» pánine biriktirilip, óte az ýaqyt oqytylady. Osyǵan qaramastan, sońǵy 15 jyldaǵy halyqaralyq PISA zertteýiniń qorytyndysy boıynsha osy elderdegi oqýshylardyń jaratylystaný ǵylymy boıynsha saýattylyǵy joǵary bolyp otyr. Bul pánder sanynan oqytý sapasy mańyzdy ekenin kórsetedi.

«Qazaqstanda mektep oqýshylaryna taqyryp boıynsha shamadan tys kólemdi aqparat beriledi jáne oqýlyqtardyń tili aýyr ári ǵylymı sıpatta beriledi. Al ozyq eldiń taǵy biri Ulybrıtanııada – kerisinshe, aqparat kólemdi emes, taqyryptar tájirıbege baǵyttalyp, kúndelikti ómirdiń jaǵdaıattarymen baılanystyrylyp oqytylady. Basqasha aıtqanda, oqýshynyń aldaǵy ómirinde pragmatıkalyq turǵydan qanshalyqty mańyzdy ekenin túsindirýge kóp kóńil bólinedi, ıaǵnı oqýshylardyń quzirettiligin qalyptastyratyn nátıjege baǵdarlanǵan bilim beriledi. Orta bilim berý salasynda sapaly bilim berý úshin, oqýshylarǵa zaman talabyna saı bilim berý mazmunyn jasaý kerek. Orta bilim berý sapasyn kóterýdiń Konepııasyna sáıkesinshe ózgerister engizilýi kerek dep esepteımiz», — dedi Altynbek Nýhuly.