جاڭالىقتار
دەپۋتات مەملەكەتكە قايتارىلعان جەرلەردىڭ كوبى قۇنارسىز ەكەنىن ايتتى
فوتو: اشىق دەرەككوز
دەپۋتات مەملەكەتكە قايتارىلعان جەرلەردىڭ كوبى قۇنارسىز ەكەنىن ايتتى, دەپ جازادى qandastar.kz
ءماجىلىس دەپۋتاتى ەربولات ساۋرىقوۆ مەملەكەت مەنشىگىنە قايتارىلاتىن جەرلەردى ءالى دە جۇيەلەۋ كەرەك دەپ سانايدى. دەپۋتات Adal ADAM youtube-ارناسىنا بەرگەن سۇحباتىندا ماسەلەگەن قاتىستى پىكىر ءبىلدىرىپ, نەگىزگى قايتارىلاتىن جەرلەردىڭ باعىتىن وزگەرتۋ كەرەگىن ايتقان.
«قازىرگى تاڭدا 10 ملن گەكتارعا جۋىق جەر قايتارىلدى. قوسىمشا 8-10 ملن گەكتارعا جۋىق جەردى قايتارۋ بويىنشا جۇمىستار جۇرگىزىلۋدە. بىراق قايتارىلعان جەردىڭ كوبى قۇنارلى جەر ەمەس, جايىلىم نەمەسە شابىندىق جەرلەر. بىزگە الاتاۋ تاۋىنىڭ بوكتەرىندەگى, ۇلتتىق پارك ماڭىنداعى جەرلەردى قايتارۋ كەرەك. VIII شاقىرىلىم دەپۋتاتتارى جۇمىسىن باستاعان ساتتە قابىلدانعان العاشقى زاڭنىڭ ءبىرى زاڭسىز شىعارىلعان اكتيۆتەردى ەلگە قايتارۋعا باعىتتالدى. مەملەكەت باسشىسى دا سالاعا ەرەكشە نازار اۋدارىپ وتىر», – دەدى ە.ساۋرىقوۆ.
